வதந்திகள் பரவுவதால் கருணாநிதிக்கு தீர்க்காயுசு உண்டு.. சொல்வது இல.கணேசன்!
சமூக வலைத்தளங்களில் பரவும் வதந்தியால் கருணாநிதிக்கு தீர்க்க ஆயுள் உண்டு என இல கணேசன் தெரிவித்துள்ளார்.
சென்னை: சமூக வலைத்தளங்களில் பரவும் வதந்தியால் கருணாநிதிக்கு தீர்க்க ஆயுள் உண்டு என இல கணேசன் தெரிவித்துள்ளார்.
திமுக தலைவர் கருணாநிதி உடல்நலக்குறைவால் பாதிக்கப்பட்டுள்ளார். காவேரி மருத்துவமனையில் சிகிச்சை பெற்றுவரும் கருணாநிதியை சிறப்பு மருத்துவக்குழு தொடர்ந்து கண்காணித்து வருகிறது.
பல்வேறு கட்சித் தலைவர்களும் அவரது உடல்நலம் குறித்து விசாரித்து வருகின்றனர். இந்நிலையில் ஈரோட்டில் பாஜக எம்பி இல.கணேசன் செய்தியாளர்களுக்கு பேட்டியளித்தார்.
கருணாநிதிக்கு தீர்க்க ஆயுள்
அவர் பேசியதாவது, சமூக வலைத்தளங்களில் பரவும் வதந்தியால் கருணாநிதிக்கு தீர்க்க ஆயுள் உண்டு. குழந்தைகள் கடத்தல், தலைவர்கள் பற்றி தவறான கருத்துகளை பகிர சில கூட்டமே செயல்பட்டு வருகிறது.
பூரண குணமடைய
திமுக தலைவர் கருணாநிதி உடல்நிலை தொடர்பாக வதந்தி பரப்புவோர் மீது நடவடிக்கை எடுக்க வேண்டும்.
கருணாநிதி பூரண குணமடைந்து மீண்டும் மக்களை சந்திக்க வேண்டி பிரார்த்திக்கிறேன்.
எந்தவித தவறும் இல்லை
ஒரு துணை முதல்வரை அவமானப்படுத்தும் நோக்கம் பாஜகவுக்கு இல்லை. ஒருவர் உயிருக்கு போராடும் போது அவரை அழைத்து செல்வதில் எந்தவித தவறும் இல்லை.
மனிதாபிமானம்
மனிதாபிமான அடிப்படையில் மத்திய அமைச்சர் நிர்மலா சீதாராமன் துணை முதல்வரின் சகோதரருக்கு விமானம் வழங்கியுள்ளார். இவ்வாறு இல கணேசன் தெரிவித்துள்ளார்.
Click it and Unblock the Notifications
Sign in with Google