இரு தினங்களில் கருணாநிதி வீடு திரும்புவார்.. ஸ்டாலின் பேட்டி

திமுக தலைவர் கருணாநிதி உடல்நலம் தேறி வருகிறது. இன்னும் இரு தினங்களில் கருணாநிதி வீடு திரும்புவார் என்று,அக்கட்சி பொருளாளர் மு.க.ஸ்டாலின் தெரிவித்தார்.

சென்னை: திமுக தலைவர் கருணாநிதி இரு நாட்களில் சிகிச்சை முடிந்து வீடு திரும்புவார் என்று அக்கட்சி பொருளாளர் மு.க.ஸ்டாலின் தெரிவித்தார்.

திமுக பொதுச்செயலாளர் க.அன்பழகன் பிறந்த நாளையொட்டி, ஸ்டாலின் அவருக்கு இன்று நேரில் வாழ்த்து தெரிவித்தார். அப்போது, அவர் அளித்த பேட்டி: திமுக தலைவர் கருணாநிதி உடல்நலம் தேறி வருகிறது. இன்னும் இரு தினங்களில் கருணாநிதி வீடு திரும்புவார். தமிழகத்திற்காக நிதி உதவி கேட்டு முதல்வர் ஓ.பன்னீர்செல்வம் டெல்லி சென்றது வரவேற்கத்தக்கது. இவ்வாறு ஸ்டாலின் தெரிவித்தார்.

தனது மீதான தாக்குதலுக்கு ஸ்டாலின்தான் காரணம் என்பது போல மதிமுக பொதுச்செயலாளர் வைகோ அளித்திருந்த பேட்டி குறித்து நிருபர்கள் கேட்டதற்கு, அதுகுறித்து கருத்து தெரிவிக்க ஸ்டாலின் மறுத்துவிட்டார்.

English summary

DMK chief Karunanidhi will return to home with in two days, says M.K.Stalin.