திருவாரூரில் கருணாநிதிக்கு பிரமாண்ட வெற்றி வாய்ப்பு - கருத்துக்கணிப்பு
சென்னை: திருவாரூரில் போட்டியிடும் திமுக தலைவர் கருணாநிதிக்கு பிரமாண்ட வெற்றி வாய்ப்புள்ளதாக நியூஸ் 7 - தினமலர் கருத்துக்கணிப்பு கூறுகின்றது.
கடந்த 2011 தேர்தலில் முதல் முறையாக திருவாரூரில் போட்டியிட்ட கருணாநிதி 50 ஆயிரத்து 249 வாக்குகள் வித்தியாசத்தில் வெற்றி பெற்றார். தற்போது 2வது முறையாக அத்தொகுதியில் களம் காண்கிறார். இதுவரை தான் போட்டியிட்ட எந்தத் தேர்தலிலும் கருணாநிதி தோற்றதில்லை
என்பது வரலாறு.
இந்நிலையில் நியூஸ் 7 - தினமலர் நடத்திய கருத்துக்கணிப்பு வெளியிடப்பட்டன. அதில் திருவாரூரில் போட்டியிடும் திமுக தலைவர் கருணாநிதிக்கு பெரிய அளவில் வெற்றி வாய்ப்புள்ளதாக தெரிவிக்கப்பட்டுள்ளது.
இக்கருத்துக் கணிப்பின்படி அதிமுகவுக்கு இங்கு 31.3 சதவீத ஆதரவே கிடைத்துள்ளது. திமுகவுக்கு 62.6 சதவீத ஆதரவு காணப்படுகிறது. தேமுதிக - ம.ந.கூட்டணி 5.04 சதவீதத்துடன் 3வது இடத்தில் உள்ளது. பாஜகவுக்கு 4வது இடம் கிடைத்துள்ளது. பாமவுக்கு இந்த தொகுதியில் ஒரு சதவீத ஆதரவு கூட கிடைக்கவில்லை
Click it and Unblock the Notifications
Sign in with Google