அரவக்குறிச்சியின் கோடீஸ்வர பழனிச்சாமி... கரூர் மாவட்ட திமுக வேட்பாளர்கள் பயோடேட்டா
சென்னை: கரூர் மாவட்டத்தில் அரவக்குறிச்சி மற்றும் குளித்தலை ஆகிய இரு தொகுதிகளில் மட்டுமே திமுக போட்டியிடுகிறது.
இதில் அரவக்குறிச்சி தொகுதியில் போட்டியிடும் கே.சி. பழனிச்சாமி தமிழகத்தின் மிகப் பெரிய கோடீஸ்ர வேட்பாளர் ஆவார்.
கரூர் மாவட்ட திமுக வேட்பாளர்களின் பயோடேட்டா
கே.சி.பழனிச்சாமி
அரவக்குறிச்சி தொகுதி திமுக வேட்பாளர் கே.சி. பழனிசாமி கடந்த 2011ல் போட்டியிட்டபோது தனது குடும்பச் சொத்து மதிப்பு ரூ. 122 கோடி என கணக்கு காட்டியிருந்தார். திமுகவில், அதன் தலைவர் கருணாநிதியை விட கோடீஸ்வர வேட்பாளர் கே.சி. பழனிசாமி தான் என்பது குறிப்பிடத்தக்கது. இந்த முறையும் அவரையே அரவக்குறிச்சியில் நிறுத்தியுள்ளனர். பல்வேறு தொழில்களை நடத்தி வரும் மிகப் பெரிய கோடீஸ்வரர் கேசிபி என்பது குறிப்பிடத்தக்கது.
ஏ.ராமர்
குளித்தலை தொகுதியில் ஏ. ராமர் போட்டியிடுகிறார். நீண்ட காலமாக கட்சியில் சீட் கேட்டு வந்தவர். ஆனால் இதுவரை கிடைக்கவில்லை. தற்போது வாய்ப்பு கிடைத்திருப்பதால் சுறுசுறுப்பாக இயங்கி வருகிறார். அனைவரிடமும் தன்மையாக பேசக் கூடியவர் என்பதால் தொகுதியில் இவருக்கு நல்ல பெயரும் உள்ளது. கருணாநிதி ஜெயித்த தொகுதி என்பதால் இதை வெல்ல ராமர் ஆர்வமாக இருக்கிறார்.
Click it and Unblock the Notifications
Sign in with Google