கரூர் திமுக வேட்பாளர் சின்னசாமி: அதிமுகவில் இருந்து திமுகவுக்கு வந்தவர்

Updated: Monday, May 5, 2014, 16:51 [IST]

Subscribe to Oneindia Tamil

கரூர்: கரூர் தொகுதி திமுக வேட்பாளராக அறிவிக்கப்பட்டுள்ள ம. சின்னசாமி அரசியலில் நீண்ட நெடிய அனுபவம் பெற்றவர்.

ஏப்ரல் 24ம் தேதி நடைபெற உள்ள நாடாளுமன்ற தேர்தலில் கரூர் தொகுதியில் திமுக சார்பில் களம் இறங்குபவர் ம.சின்னசாமி(65). பி.எஸ்.சி., பி.எல். படித்துள்ள அவரின் மனைவி காலமாகிவிட்டார். அவருக்கு செந்தில், முரளி என இரண்டு மகன்கள் உள்ளனர். அவர்கள் இருவரும் திருமணமானவர்கள். செந்தில், முரளி இருவரும் ரியல் எஸ்டேட் தொழில் செய்து வருகின்றனர்.

சின்னசாமி புகளூர் அரசினர் உயர் நிலைப் பள்ளியிலும், சென்னை லயோலா கல்லூரியிலும், சென்னை சட்டக் கல்லூரியிலும் பயின்றவர்.

1972ம் ஆண்டு முதல் தனது ஆரசியல் பணியை ஆரம்பித்தவர் சின்னசாமி. 1972ம் ஆண்டு அதிமுக கரூர் மாவட்ட செயலாளராகவும், பின்பு அதிமுக மாநில துணைப் பொதுச் செயலாளாராகவும் இருந்தார். 1980 -1984 வரை தமிழக தொழில்துறை அமைச்சராகவும் இருந்தார். 1999ம் ஆண்டு முதல் 20004ம் ஆண்டு வரை கரூர் எம்.பி.யாக இருந்தார்.

அதிமுக தலையோடு ஏற்பட்ட மோதல் காரணமாக அந்த கட்சியில் இருந்து வெளியேறி 2010ம் ஆண்டு ஜூன் 10ம் தேதி திமுகவில் இணைந்தார். தற்போது மாநில விவசாய அணி செயலாளராக பதவி வகிக்கின்றார். அவர் மு.க.ஸ்டாலினின் தீவிர ஆதரவாளர் ஆவார்.