காவேரி மருத்துவமனையில் கருணாநிதி நலம்- டிவி பார்க்கும் புகைப்படம் வெளியீடு!

சென்னை: திமுக தலைவர் கருணாநிதி குணமடைந்து வருகிறார் என்றும் அவர் நலமடைந்த நிலையில் டிவி பார்க்கும் புகைப்படத்தையும் காவேரி மருத்துவமனை வெளியிட்டுள்ளது.

கருணாநிதிக்கு திடீரென மூச்சுத்திணறல் ஏற்பட்டதால் சென்னை ஆழ்வார்பேட்டை காவேரி மருத்துவமனையில் அனுமதிக்கப்பட்டார். அவருக்கு ட்ரக்கியோஸ்டமி சிகிச்சை அளிக்கப்பட்டது. இதையடுத்து அவர் உடல்நிலை சீரடைந்தது.

காங்கிரஸ் துணைத் தலைவர் ராகுல் காந்தி உள்ளிட்ட கட்சிகளின் தலைவர்கள் காவேரி மருத்துவமனைக்கு வந்து கருணாநிதியின் நலம் விசாரித்து சென்றனர்.

இந்த நிலையில் காவேரி மருத்துவமனை இன்று அறிக்கை ஒன்றை வெளியிட்டது. அதில் கருணாநிதி குணமடைந்து வருவதாகவும், அவர் விரைவில் வீடு திரும்புவார் எனவும் தெரிவிக்கப்பட்டுள்ளது.

அத்துடன் கருணாநிதி நாற்காலியில் அமர்ந்து டிவி பார்க்கும் புகைப்படம் ஒன்றையும் காவேரி மருத்துவமனை வெளியிட்டிருக்கிறது.

.@kalaignar89 மருத்துவமனையில் கருணாநிதி- புகைப்படம் வெளியீடு #karunanidhi pic.twitter.com/ATzNLmTytM

— Oneindia Tamil (@thatsTamil) December 21, 2016

English summary

Kauvery Hospital today released DMK leader Karunanidhi's Photo. Its Statement said Karunanidhi is recovering well; He will be discharged from the hospital after completion of courses antibiotics.