மதிமுக தேர்தல் பணிச் செயலாளராக கே.கழகக்குமார் நியமனம்… வைகோவிடம் ஆசி பெற்றார்

சென்னை: மறுமலர்ச்சி திராவிட முன்னேற்றக் கழகத்தின் தேர்தல் பணிச் செயலாளராக மாநில இளைஞர் அணித் துணைச்செயலாளராக பணியாற்றி வந்த திரு. கே.கழகக்குமார் நியமிக்கப்பட்டுள்ளார்.

மதிமுகவின் தேர்தல் பணிச் செயலாளராக நியமிக்கப்பட்டுள்ள கே.கழககுமார் அவர்கள், தாயகத்தில் கழகப் பொதுச் செயலாளர் வைகோ அவர்களைச் சந்தித்து வாழ்த்துப் பெற்றார். ஆட்சிமன்றக் குழுச் செயலாளர் அ.கணேசமூர்த்தி எம்.பி., உயர்நிலைக்குழு உறுப்பினர் வழக்கறிஞர் ஜி.தேவதாஸ் ஆகியோர் உடன் உள்ளனர்.

தேர்தலுக்கு தயாரான 2வது கட்சி

லோக்சபாத தேர்தலுக்கு ஆயத்தமாகியுள்ள 2வது கட்சியாக மதிமுக உருவெடுத்துள்ளது. சமீபத்தில்தான் அதிமுக சார்பில் அத்தனை தொகுதிகளுக்கும் தேர்தல் பொறுப்பாளர்களை முதல்வர் ஜெயலலிதா அறிவித்தார்.

இந்த நிலையில் தற்போது மதிமுக தனது தேர்தல் பணிச் செயலாளரை அறிவித்துள்ளது குறிப்பிடத்தக்கது.

English summary

Kazhagakumar has been appointed as the MDK election works secretary.