நடிகர் சங்க தேர்தலில் உங்கள் ஆதரவு சரத்துக்கா, விஷாலுக்கா?: குஷ்பு பதில்
சென்னை: நடிகர் சங்க தேர்தலில் உங்களின் ஆதரவு சரத் குமாருக்கா, விஷாலுக்கா என்று ரசிகர் கேட்ட கேள்விக்கு யார் மனமும் புண்படாதபடி பதில் அளித்துள்ளார் நடிகை குஷ்பு.
நடிகையும், காங்கிரஸ் செய்தித் தொடர்பாளருமான குஷ்பு இன்று ட்விட்டரில் 10 நிமிடம் ரசிகர்களுடன் உரையாடினார். ரசிகர்கள் கேட்ட கேள்விகளுக்கு அவர் பதில் அளித்தார். அரசியல், சினிமா பற்றி ரசிகர்கள் கேள்வி கேட்டனர்.
அதன் விவரம் வருமாறு,
|
விஷால்
தமிழில் மீண்டும் முன்னணி ஹீரோக்களுடன் நடிக்க வாய்ப்பு கிடைத்தால் தளபதி அல்லது தல யாருடன் நடிப்பீர்கள்? என்று தளபதி பாஷா என்பவர் கேட்டதற்கு எனக்கு பிடித்த விஷால் என்று பதில் அளித்துள்ளார் குஷ்பு.
|
தல
எங்கள் 'தல'யைப் பற்றி ஒரு வார்த்தையில் சொல்லுங்கள் என இளவரசன் கேட்டதற்கு என்னுடைய ஜார்ஜ் க்ளூனி என்று குஷ்பு தெரிவித்துள்ளார்.
|
மௌன ராகம்
நீங்கள் பலமுறை பார்த்த ஒரு படம் எது என வைஷாலி என்பவர் கேட்டிருந்தார். அதற்கு குஷ்பு மௌன ராகம் என்று கூறியுள்ளார்.
|
விஜய்
சுந்தர் சி.+இளையதளபதி விஜய் கூட்டணிக்காக காத்திருக்கிறோம் என்று போத்தன் தெரிவித்தார். விரைவில் நடக்கும் என நம்புவோம் என்று குஷ்பு பதில் அளித்துள்ளார்.
|
நடிகர் சங்க தேர்தல்
நடிகர் சங்க தேர்தலில் சரத் குமார், விஷால் இதில் யாருக்கு உங்கள் ஆதரவு என்று சதீஷ் மணி கேட்டுள்ளார். அதற்கு குஷ்பு அளித்த பதில், எப்பொழுதும் சரியானது மற்றும் உண்மையை ஆதரிக்கிறேன்.
|
ரஜினி
ரஜினி சார் பற்றி ஏதாவது சொல்லுங்கள் என்று ரசிகர் ஒருவர் கேட்டிருந்தார். அதற்கு குஷ்பு கூறுகையில், அவர் தான் எப்பொழுதுமே சூப்பர்ஸ்டார். யாராலும் அவர் இடத்தை பிடிக்க முடியாது என்றார்.
|
பிரபாஸ்
தெலுங்கு திரை உலகில் உங்களுக்கு பிடித்த நடிகர் யார் என ஸ்ரீ பட்டேல் என்பவர் கேட்டிருந்தார். அதற்கு குஷ்பு ஜூனியர் என்.டி.ஆர். மற்றும் பிரபாஸ் ஆகியோர் தனக்கு பிடிக்கும் என தெரிவித்துள்ளார்.
Click it and Unblock the Notifications
Sign in with Google