ரஜினி "ஆன் - ஆப்" பண்ண.. கிங்காங் ஆட.. இதுதான் இப்ப வைரல் பாஸ்!

சென்னை: 25 வருஷத்துக்கு முன்னாடி நடந்த ஒரு விஷயம் இப்போது பரபரப்பாக பேசப்படுகிறது என்றால் நிச்சயம் அது சரக்குள்ள விஷயம் என்பதில் சந்தேகம் இல்லை.

25 வருடத்திற்கு முன்பு வந்து சக்கை போடு போட்ட ரஜினிகாந்த்தின் அதிசயப் பிறவி படத்தில் வரும் ஒரு சின்னக் காட்சி இப்போது வைரலாக மாறி பரவி வருகிறது சமூக வலைதளங்களில்.

கிங்காங் அப்படத்தில் ஒரு சின்ன காட்சியில் கலக்கியிருப்பார்.. நடிப்பில் அல்ல... டான்ஸில். அந்த டான்ஸ் காட்சிதான் தற்போது தோண்டி எடுக்கப்பட்டு பிரபலமாகி பரவி வருகிறது பேஸ்புக்கில்.

ரஜினிகாந்த்தும், சில பொடியர்களும் (இப்போது இவர்கள் எல்லாம் பெருசுகளாச்சே.. அதுதான் மரியாதை.. மரியாதை) நாற்காலியில் படுத்திருக்க.. கிங்காங் கீழே நின்று கொண்டு டான்ஸ் ஆடுவார். டான்ஸ் என்றால் சாதா டான்ஸ் இல்லை பாஸ்.. பிரேக் டான்ஸ்.. டேப் ரெக்கார்டரில் ரஜினி மியூசிக் இசைக்க கிங்காங் ஆடுவார்.

அப்போது ரஜினி டேப்பை ஆப் பண்ணி ஆன் பண்ண அதற்கேற்ப கிங்காங்கும் டான்ஸை நிறுத்தி பிறகு ஆடுவதுதான் இதில் ஹைலைட்.

தெலுங்கில் சிரஞ்சீவி நடித்த படத்தின் ரீமேக்தான் அதிசயப் பிறவி. தெலுங்கு ஒரிஜினிலும் கிங்காங்தான் ஆடியிருப்பார். ஆனால் அதில் டேப்பை தொடர்ந்து ஓட விடுவார்கள். தமிழில் ஆடும்போதுதான் ரஜினி ஐடியாப்படி டேப்பை நிறுத்தி நிறுத்தி டான்ஸை மேலும் பாப்புலராக்கினார்களாம்.

English summary

Comedian Kingkong's dance has godne viral after 25 years in the FB.