தொகுதி மாறி வந்த செங்குட்டுவன்... கிருஷ்ணகிரி திமுக வேட்பாளர்கள் பயோடேட்டா
சென்னை: கிருஷ்ணகிரி மாவட்டம் வேப்பனஹள்ளி தொகுதியில் தற்போது உறுப்பினராக இருக்கும் செங்குட்டுவன் தற்போது கிருஷ்ணகிரி தொகுதிக்கு மாறி வந்துள்ளார்.
கிருஷ்ணகிரி மாவட்ட திமுக வேட்பாளர்களின் பயோடேட்டா.
டாக்டர் எஸ்.மாலதி
ஊத்தங்கரை தனி தொகுதியில் போட்டியிடுகிறார் டாக்டர் எஸ். மாலதி நாராயணசாமி. 40 வயதான இவர் கிருஷ்ணகிரி மாவட்ட மருத்துவர் அணி துணை அமைப்பாளராக இருக்கிறார். இவரது கணவரும் டாக்டர்தான்.
டி.செங்குட்டுவன்
கிருஷ்ணகிரி தொகுதி வேட்பாளராக டி. செங்குட்டுவன் போட்டியிடுகிறார். பத்தாவது படித்துள்ளார். வேப்பனஹள்ளியில் கடந்த முறை வென்ற இவர் இந்த முறை தொகுதி மாறி இங்கு வந்துள்ளார். இதற்கு முன்பு 2006 தேர்தலில் கிருஷ்ணகிரியில் எம்.எல்ஏவாக இருந்துள்ளார்.
பி.முருகன்
பேயப்ப கவுண்டர் முருகன் வேப்பனஹள்ளியில் போட்டியிடுகிறார். பிளஸ்டூ படித்துள்ளார். விவசாயம், நவீன அரிசி ஆலை, கிரானைட் தொழில் செய்கிறார். கிருஷ்ணகிரி மேற்கு மாவட்ட துணைச் செயலாளராக இருக்கிறார். ஊராட்சி மன்றத் தலைவர், ஊராட்சி ஒன்றியக் குழுத் தலைவர் போன்ற பதவிகளை வகித்துள்ளார்.
இ.சி. கோவிந்தராஜன்
பர்கூர் தொகுதியில் போட்டியிடுகிறார். 9ம் வகுப்பு படித்துள்ளார். ஜவுளி மற்றும் விவசாயத்தில் ஈடுபட்டுள்ளார். கட்சியில் பல்வேறு பதவிகளை வகித்துள்ள இவர் ஊராட்சி மன்றத் தலைவர், ஒன்றியக் குழுத் தலைவராக இருந்துள்ளார்.
Click it and Unblock the Notifications
Sign in with Google