ஒட்டப்பிடாரத்தில் புதிய தமிழகம் கிருஷ்ணசாமிக்கு வெற்றி வாய்ப்பு - தந்தி டிவி கருத்துக்கணிப்பு

சென்னை: ஒட்டப்பிடாரம் சட்டசபை தொகுதியில் போட்டியிடும் புதிய தமிழகம் கட்சி தலைவர் கிருஷ்ணசாமி வெல்லும் வாய்ப்புள்ளதாக தந்தி டிவி கருத்துக்கணிப்பு தெரிவித்துள்ளது.

திமுக கூட்டணியில் இடம்பெற்றுள்ள புதிய தமிழகம் கட்சிக்கு ஒட்டப்பிடாரம், வாசுதேவநல்லூர், திருவில்லிபுத்தூர், கிருஷ்ணராயபுரம் ஆகிய 4 தொகுதிகள் ஒதுக்கப்பட்டுள்ளன. இந்த 4 தொகுதிகளிலும் புதிய தமிழகம் கட்சி தொலைக்காட்சிப் பெட்டி சின்னத்தில் போட்டியிடுகிறது. ஒட்டப்பிடாரம் தொகுதியில் கட்சித் தலைவர் கிருஷ்ணசாமி போட்டியிடுகிறார்.

திமுக கூட்டணி சார்பில் தற்போது களமிறங்கியுள்ள டாக்டர் க.கிருஷ்ணசாமி, ஏற்கெனவே இத்தொகுதியில் 2 முறை வெற்றி பெற்றுள்ளார்

இந்நிலையில் தந்தி டிவி நடத்திய கருத்துக்கணிப்பில் தூத்துக்குடி மாவட்டம் ஒட்டப்பிடாரம் தொகுதியில் புதிய தமிழகம் கட்சிக்கு ஆதரவு இருப்பதாக தெரிவிக்கப்பட்டுள்ளது.

ஒட்டப்பிடாரம் தொகுதியில் புதிய தமிழகம் கட்சிக்கு 43 - 49 சதவீத ஆதரவு காணப்படுகிறது. அதிமுகவுக்கு 38 - 44 சதவீத ஆதரவு கிடைத்துள்ளது. தேமுதிக 7 -13 சதவீத ஆதரவு பெற்று 3வது இடத்துக்கு தள்ளப்பட்டுள்ளது.

ஒட்டப்பிடாரம் தொகுதி நிலவரம்:

புதக 43 - 49%

அதிமுக 38 - 44%

தேமுதிக 7 -13 %

பிற கட்சிகள் 1 %

நோட்டா 2 %

English summary

Puthiya tamilagam chief krishnasamy winning in ottapidaram constituency, says thanthi tv survey