குஷ்பு பிரசாரம் திடீர் ரத்து.. உடல் நலக் குறைவால்!

சென்னை: நடிகை குஷ்பு இன்று செய்யவிருந்த பிரசாரம் திடீரென ரத்து செய்யப்பட்டுள்ளது.

அவருக்கு உடல் நலக்குறைவு ஏற்பட்டிருப்பதால் பிரசாரம் ரத்து செய்யப்பட்டுள்ளதாக திமுக தலைமைக் கழகம் தெரிவித்துள்ளது.

இதுதொடர்பாக திமுக தலைமைக் கழகம் வெளியிட்டுள்ள அறிக்கையில், வேலூர் நாடாளுமன்ற தொகுதியில் இந்திய யூனியன் முஸ்லிம் லீக் கட்சி வேட்பாளரை ஆதரித்து இன்று (15-ந் தேதி) பிரச்சாரம் செய்ய இருந்த குஷ்பு சுந்தரின் சுற்றுப்பயணம் உடல் நலக்குறைவு காரணமாக ஒத்தி வைக்கப்படுகிறது. சுற்றுப்பயண தேதி பின்னர் அறிவிக்கப்படும் என்று கூறப்பட்டுள்ளது.

நடிகை குஷ்பு திமுக வேட்பாளர்களுக்காக தீவிரமாக வாக்கு சேகரித்து பிரசாரம் செய்து வருகிறார். மிகவும் தாமதமாகத்தான் குஷ்பு பிரசாரத்தைத் தொடங்கினார். இந்த நிலையில் உடல் நலக்குறைவால் அவரது பிரசாரம் இன்று ரத்தாகியுள்ளது.

English summary

Actress Kushbhu's campaign was cancelled due to the sudden illness.