குஷ்புவை பாரத மாதாவாக சித்தரித்து போஸ்டர்: மீண்டும் சர்ச்சை
சென்னை: நடிகை குஷ்புவை பாரத மாதாவாக சித்தரித்து போஸ்டர்கள் ஒட்டப்பட்டதால் புதிய சர்ச்சை உருவாகியுள்ளது.
வழக்கமாக ஜெயலலிதாவைத் தான் இப்படி ஏதாவது சித்தரிப்பர் அதிமுகவினர். ஆனால், இப்போது குஷ்புவும் அந்த வரிசையில் சேர்ந்துள்ளார்.
திருமணத்துக்கு முந்தைய செக்ஸ் பற்றி அவர் கூறிய கருத்துக்கள், பின்னர் சினிமா விழாவில் சாமி படம் அருகே செருப்பு காலுடன் உட்கார்ந்து இருந்தது, சமீபத்தில் ருத்ராட்ச மாலையில் தாலி அணிந்து வந்தது என குஷ்புவுக்கும் பரபரப்புகளுக்கும் பஞ்சமே இல்லை.
இந் நிலையில் இப்போது குஷ்புவை பாரத மாதாவாக சித்தரித்து ஒட்டப்பட்ட போஸ்டர்கள் சர்ச்சையை கிளப்பி உள்ளன.
இந்திய வரை படத்தின் மேல் குஷ்பு பாரத மாதா உருவத்தில் இருப்பது போன்று இந்த போஸ்டர் அச்சடிக்கப்பட்டு உள்ளன.
இந்த விவகாரத்தை பாஜக கையில் எடுக்க உள்ளதாகத் தெரிகிறது.
சமீபத்தில் தி.மு.கவை விட்டு விலகி காங்கிரஸ் கட்சியில் இணைந்த குஷ்பு தமிழக காங்கிரஸ் தலைவர் இளங்கோவனுடன் டெல்லி சென்று அந்த மாநில சட்டமன்றத் தேர்தைலில் காங்கிரசுக்காக பிரசாரம் செய்து விட்டு திரும்பியுள்ளார்.
Click it and Unblock the Notifications
Sign in with Google