நேரா சத்தியமூர்த்தி பவனுக்குப் போய்ருங்க... கட்சியில் சேர விரும்பியவருக்கு உதவிய குஷ்பு!
சென்னை: காங்கிரஸ் கட்சியில் சேர விரும்பி டிவிட்டில் தொடர்பு கொண்ட ஒருவரை சத்தியமூர்த்தி பவனுக்குப் போங்கள், அங்குள்ளவர்கள் உங்களுக்கு உதவுவார்கள் என வழி காட்டியுள்ளார் குஷ்பு.
நடிகை குஷ்பு தற்போது படு சுறுசுறுப்பாக டிவிட்டரை வலம் வந்து கொண்டிருக்கிறார். தமிழக அரசியல்வாதிகளில் டிவிட்டரை மிகவும் உபயோகமான வகையில் பயன்படுத்தும் வெகு சிலரில் குஷ்புவும் ஒருவர்.
ரத்தம் கேட்டு பலர் குஷ்புவின் டிவிட்டரில் போஸ்ட் போடுகிறார்கள். அதை குஷ்பு ரீடிவிட் செய்து உதவுகிறார். இதுபோல பலரும் குஷ்புவைத் தொடர்பு கொள்கிரார்கள் டிவிட்டரில். முடிந்தவரை அவர்களுக்குப் பதிலளிக்கிறார் குஷ்பு.
Pls go to #SATYAMURTHYBHAVAN , HQ, TNCC..ppl will help u there. .@TN_PCC @EVKSElangovan https://t.co/942JThRw9W
— khushbusundar (@khushsundar) June 10, 2015 இந்த நிலையில், மெர்வின் பிரான்சிஸ் என்பவர் எப்படி காங்கிரஸ் கட்சியில் சேர வேண்டும், தகவல் கூறுங்கள் என்று குஷ்புவை டிவிட் மூலம் தொடர்பு கொண்டு கேட்டுள்ளார்.
அதற்கு குஷ்பு, சத்தியமூர்த்தி பவனுக்குச் செல்லுங்கள். அங்குள்ளவர்கள் உங்களுக்கு உதவுவார்கள் என்று பதிலளித்துள்ளார். மேலும் இந்த பதிலில், தமிழக காங்கிரஸ் தலைவர் ஈவிகேஎஸ் இளங்கோவன், தமிழக காங்கிரஸ் கட்சி ஆகியவற்றின் டிவிட்டர் பக்கத்தையும் டேக் செய்துள்ளார்.
தொண்டர் காங்கிரஸில் சேர்ந்தாரா அல்லது டிராக் மாறி "மிஸ் கால்" கொடுத்தாரா என்று தெரியவில்லை!
Click it and Unblock the Notifications
Sign in with Google