குஷ்புவின் பேஸ்புக் பக்கத்தில் மாஸ் காட்டும் பிரபலங்களுடனான “செல்பிக்களும், புகைப்படங்களும்”!

சென்னை: காங்கிரஸ் கட்சியில் சேர்ந்து அரசியலில் குதித்திருந்தாலும் நடிகையான குஷ்பு தன்னுடைய சினிமா பயணத்தில் வந்த நண்பர்களையும் மறக்காமல் இன்னும் நட்பு பாராட்டி வருகின்றார்.

அந்த வகையில் 80களின் நடிகர், நடிகைகளின் ரீயூனியன் என்னும் சந்திப்பு நிகழ்ச்சி இந்த வருடம் நடைபெற்றது.

அதில் வழக்கம்போல இந்த வருடமும் தன்னுடைய சக நடிப்பு தோழமைகளுடன் உற்சாகமாக கொண்டாடி மகிழ்ந்துள்ளார் குஷ்பு.

நட்பு புதுப்பிக்கும் புகைப்படங்கள்:

வெங்கடேஷ், பிரபு, சத்யராஜ் ஆகியோருடனும், வைஷ்ணவி, லிசி, ராதா, அம்பிகா என்ற நடிகைகள் பட்டாளத்துடனும் நட்பு புதுப்பித்தல் நிகழ்ச்சியை மிகவும் சந்தோஷமாக கழித்து அதை தன்னுடைய பேஸ்புக் பக்கத்திலும் புகைப்படங்களாக பதிவேற்றியுள்ளார்.

சிம்ப்ளி குஷ்புவின் செல்பி:

அடுத்ததாக ஒரு பிரபல டிவி சேனலில் "சிம்ப்ளி குஷ்பு" என்கின்ற புதிய நிகழ்ச்சி ஒன்றையும் தொகுத்து வழங்குகின்றார் அவர். கமல், சிவகார்த்திகேயன், கார்த்தி, மீனா, சிம்பு என்று வரிசையாக செல்பியாக போட்டு கலக்கி வருகிறார் குஷ்பு.

சந்தோஷமான குஷ்பு:

இது மட்டுமல்லாமல் சரிதா, பாராதிராஜா, சுகாசினி, ரேவதி, நரேஷ் என்று அனைவருடனும் மகிழ்ச்சியாக புகைப்படங்களை ஷேர் செய்து செம குஷியில் இருக்கின்றார் குஷ்பு.

மறக்காத நட்புகள்:

என்னதான் அரசியல்வாதியாக மாறியிருந்தாலும் நட்புகளை மறக்காமல் அவர்களுடனான நினைவுகளை புகைப்படங்களாக எடுத்து பதிவிட்டு குஷ்பு பழசையும் மறக்காமல்தான் இருக்கின்றார் என்பது குறிப்பிடத்தக்கது.

English summary

Kushboo sundar register her memories as photos in her Facebook page nowadays.