சுஷ்மாவிற்கு பாராட்டு, இப்போ ஸ்மிருதி இரானிக்கு ஆதரவு: பாஜக பக்கம் சாயும் குஷ்பு

By Mayura Akilan

Published: Thursday, May 29, 2014, 16:29 [IST]

Subscribe to Oneindia Tamil

சென்னை: சாதிப்பதற்கு கல்வி முக்கியமல்ல என மத்திய மனிதவளமேம்பாட்டுத் துறை அமைச்சர் ஸ்மிருதி இரானிக்கு, நடிகை குஷ்பு ஆதரவு தெரிவித்துள்ளார்.

தி.மு.க.வில் நட்சத்திர பேச்சாளராக உள்ள குஷ்பு, லோக்சபா தேர்தலில் தமிழகம் முழுவதும் சுற்றுப் பயணம் செய்து தி.மு.க. வேட்பாளர்களுக்கு ஆதரவு திரட்டினார். அப்போது பா.ஜ.க.வை கடுமையாக விமர்சித்து பேசினார்.

மோடிக்கு புகழ்ச்சி

இந்நிலையில், தேர்தலில் வென்று மத்தியில் ஆட்சி அமைத்துள்ள பிரதமர் நரேந்திர மோடியை டுவிட்டரில் புகழ்ந்தார்.

சுஷ்மாவிற்கு பாராட்டு

மத்திய வெளியுறவு துறை அமைச்சராக பொறுப்பேற்றுள்ள சுஷ்மா சுவராஜூக்கு டுவிட்டரில் பாராட்டு தெரிவித்தார் குஷ்பு.

ஸ்மிருதிக்கு ஆதரவு

அதேபோல், கல்வித் தகுதி சர்ச்சையில் சிக்கியுள்ள ஸ்மிருதி இரானிக்கும் ஆதரவு தெரிவித்துள்ளார்.

கல்வி முக்கியமில்லை

ஸ்மிருதி இரானி சர்ச்சை குறித்து தனது டுவிட்டர் தளத்தில், கருத்து கூறியுள்ள குஷ்பு, ''ஸ்மிர்தி இரானியின் கல்வி தகுதி பற்றி விமர்சிக்கப்பட்டு வருகிறது.

சாதனை மனிதர்கள்

சாதிப்பதற்கு கல்வி தகுதி அவசியம் இல்லை. சச்சின் தெண்டுல்கர், பில்கேட்ஸ், ரஜினி, கமல், உள்ளிட்டோர் உலக அளவில் புகழ் பெற்றுள்ளனர். இவர்கள் பட்டபடிப்பு படித்தவர்கள் அல்ல. சாதிப்பதற்கு திறமைதான் முக்கியம், படிப்பு அல்ல'' எனக் கூறியுள்ளார்.

Published On May 29, 2014