மீதமுள்ள 22 தொகுதிகளில் அதிமுக, திமுக, பாஜக, காங்.குக்கு ஆதரவு இல்லை- சிபிஎம்

சென்னை: தாங்கள் போட்டியிடும் 18 தொகுதிகளைத் தவிர மற்ற தொகுதிகளில் திமுக, அதிமுக, காங்கிரஸ், பாஜக ஆகிய கட்சிகளுக்கு ஆதரவு தரப் போவதில்லை என்று மார்க்சிஸ்ட் கம்யூனிஸ்ட் கட்சி தெரிவித்துள்ளது.

தமிழகத்தில் லோக்சபா தொகுதிகளில் 18 தொகுதிகளில் போட்டியிடப் போவதாக இன்று கம்யூனிஸ்ட் கட்சிகள் அறிவித்தன. இதுதொடர்பாக நடந்த செய்தியாளர்கள் கூட்டத்தின்போது சிபிஎம் மாநிலச் செயலாளர் ஜி.ராமகிருஷ்ணன் கூறுகையில்,

இரு கட்சிகளும் போட்டியிடும் தொகுதிகள் தவிர, 22 தொகுதிகளில் பாஜக, அதிமுக, திமுக, காங்கிரஸ் கட்சிகளுக்கு ஆதரவு தர மாட்டோம்

இந்தத் தொகுதிகளில் வேறு யாரை ஆதரிப்பது என பின்னர் அறிவிக்கப்படும் என்று கூறினார்.

இதன் மூலம் தேமுதிகவுக்கோ அல்லது மதிமுகவுக்கோ இவர்கள் ஆதரவு தரக் கூடும் என்று எதிர்பார்க்கப்படுகிறது.

English summary

Left parties, who have decided to field candidates in 18 seats, will not support DMK, ADMK, Congress and BJP in remaining 22 seats.