பாஜக தலைமையில் திராவிடக் கட்சிகள் இல்லாத கூட்டணி... சொல்கிறது பாஸ்வான் கட்சி (தமிழ்நாடு பிரான்ச்)

கரூர்: தமிழகத்தில் 2016ம் ஆண்டு சட்டசபைத் தேர்தலின்போது பாஜக தலைமையில் திராவிடக் கட்சிகள் இல்லாத கூட்டணியை அமைக்க முயற்சிகள் நடப்பதாக ராம்விலாஸ் பாஸ்வானின் கட்சியான லோக்ஜனசக்தி கட்சியின் தமிழகத் தலைவர் வித்யாதரன் கூறியுள்ளார்.

மத்திய அமைச்சர் ராம்விலாஸ் பஸ்வான் தலைமையிலான லோக் ஜனசக்தி கட்சியின் 14ஆம் ஆண்டு விழா மற்றும் ஆலோசனை கூட்டம் கரூரில் உள்ள தனியார் அரங்கில் மாவட்ட தலைவர் ஆறுமுகம் தலைமையில் நடைபெற்றது.

இக்கூட்டத்தில் மாவட்ட அளவிலான முக்கிய பொறுப்பாளர்கள் என 100க்கும் மேற்பட்டோர் கலந்து கொண்டனர். கூட்டத்தில் சிறப்புரையாற்றிய பின் செய்தியாளர்களை சந்தித்த மாநில தலைவர் வித்யாதரன் கூறுகையில், 2016-ல் தமிழகத்தில் பா.ஜ.க தலைமையில் திராவிட கட்சிகள் அல்லாத கூட்டணி அமைத்து வெற்றி பெறுவதற்கான வாய்ப்பை உருவாக்குவதில் லோக் ஜனசக்தி கட்சி கடுமையாக பாடுபடும் என்றார்.

English summary

Paswan's LJS has said that it is trying to form a strong alliance led by BJP, minus dravidian parties for the 2016 polls in TN.