லோக்சபா, தமிழக சட்டசபைக்கு டிசம்பருக்குள் தேர்தல்... துரைமுருகன் ஆரூடம்

லோக்சபா, தமிழக சட்டசபைக்கு டிசம்பருக்குள் தேர்தல் வரும் என்று துரைமுருகன் தெரிவித்துள்ளார்.

வேலூர் : லோக்சபா மற்றும் தமிழக சட்டசபைக்கு டிசம்பருக்குள் தேர்தல் வரும் என்று திமுக முதன்மைச் செயலாளர் துரைமுருகன் தெரிவித்துள்ளார்.

திமுக தலைவர் கருணாநிதியின் 95வது பிறந்தநாள் விழா பொதுக்கூட்டம் வேலூர் மாவட்டம் காட்பாடி சித்தூர் பேருந்து நிலையம் அருகே நடந்தது. இதில், ஜெகத்ரட்சகன், எ.வ.வேலு ஆகியோர் கலந்து கொண்டனர்.

இந்தக் கூட்டத்தில் துரைமுருகன் பேசுகையில், அதிமுக ஆட்சியில் எந்த ஒரு முன்னேற்றமும் கொண்டு வரப்படவில்லை. தமிழக சட்டசபைக்கும், லோக்சபாவிற்கும் வருகிற டிசம்பர் மாதத்திற்குள் தேர்தல் வரும்.

தேர்தல் முடித்து திமுக ஆட்சி வந்தவுடன் முதல் வேலையாக காட்பாடிக்கு சூப்பர் ஸ்பெஷாலிட்டி மருத்துவமனைக்கு கொண்டு வரப்படும் அதற்குள் காட்பாடி தாலுகாவிற்கு மருத்துவமனை கொண்டு வர நடவடிக்கை எடுக்கப்படும்.

அதிமுகவினர் என்னை பற்றி அவதூறாக பேசி குறை கூறி வருகின்றனர். அவர்கள் எல்லாம் விரைவில் சாயம் போகக்கூடியவர்கள். அவர்கள் பெயரை இந்த கூட்டத்தில் சொல்லக்கூட தகுதியில்லை என்று குறிப்பிட்டார்.

English summary

Loksabha TN Assembly on This year end says Duraimurugan. DMK Principle Secretary Duraimurugan attends Karunanidhi's 95th Birthday Meeting at Katpadi.