வைகோவுக்கு மட்டுமல்ல சந்திக்கிறவங்களுக்கெல்லாம் விசிட்டிங் கார்டு தருவேனே.. டாக்டர் ரிச்சர்ட் பொளேர்

வைகோவுக்கு மட்டுமல்ல தாம் சந்திக்கிற அனைவருக்குமே விசிட்டிங் கார்டு தருவது வழக்கம் என லண்டன் டாக்டர் ரிச்சர்ட் தெரிவித்துள்ளார்.

சென்னை: மதிமுக பொதுச்செயலர் வைகோவுக்கு மட்டுமல்ல தாம் சந்திக்கிற அனைவருக்குமே விசிட்டிங் கார்டு தருவேன் என ஜெயலலிதாவுக்கு சிகிச்சை அளித்த லண்டன் மருத்துவர் ரிச்சர்ட் பியால் தெரிவித்துள்ளார்.

ஜெயலலிதா மருத்துவமனையில் அனுமதிக்கப்பட்டபோது அப்பல்லோவுக்கு அடிக்கடி விசிட் செய்தார் வைகோ. அப்பல்லோ போய் திரும்பிய கையோடு ஆளுநரையும் வைகோ சந்தித்தது சலசலப்பை ஏற்படுத்தியிருந்தது.

ஜெயலலிதாவுக்கு சிகிச்சை அளிக்க லண்டன் டாக்டர் ரிச்சர்ட் வருகை தந்தபோது அவரை வைகோ சந்தித்தார். இச்சந்திப்புக்குப் பின்னர் செய்தியாளர்களிடம் பேசிய வைகோ, எனக்கு ரிச்சர்ட் விசிட்டிங் கார்டு கூட கொடுத்தார் என பெருமையாக பேசியது நகைப்பை ஏற்படுத்தியது. சமூக வலைதளங்களில் இது தொடர்பான மீம்ஸ்கள் ஏராளமாக வந்தன.

இந்த நிலையில் சென்னையில் இன்று செய்தியாளர்களை சந்தித்த லண்டன் டாக்டர் ரிச்சர்ட்டிடம் வைகோவுக்கு விசிட்டிங் கார்டு கொடுத்தது உண்மையா என கேள்வி கேட்கப்பட்டது. இந்த கேள்வியை டாக்டர் ரிச்சர்ட் சற்றும் எதிர்பார்க்கவில்லை.

அத்துடன் வைகோவுக்கு மட்டுமல்ல தாம் சந்திக்கிற அனைவருக்குமே விசிட்டிங் கார்டு தருவேன் என பொத்தாம் பொதுவாக பதிலளித்தார்.

வடை போச்சே!

English summary

London Doctor Richard Beale from the London Bridge Hospital, who had been regularly consulted by doctors in Chennai when Jayalalithaa was admitted in Appolo speaks on his visiting card to MDMK General Secretary Vaiko.