2018ல் எப்போ டூர் போகலாம்னு இப்பவே ப்ளான் பண்ணுங்க - லீவு நிறைய இருக்கு மக்களே!

2018ஆம் ஆண்டில் வார விடுமுறையை ஒட்டி நிறைய லீவு இருப்பதால் இப்பவே சுற்றுலா செல்ல டிக்கெட் புக் பண்ணலாம்.

சென்னை: 2018 ஆம் ஆண்டு 23 விடுமுறை நாட்களை அரசு அறிவித்துள்ளது. இதில் சில விடுமுறை நாட்கள் ஞாயிறு கிழமை வந்தாலும் பல விடுமுறை நாட்கள் வார விடுமுறையை ஒட்டியே வருகிறது.

ஆடி ஓடி சம்பாதிப்பது அனுபவிக்கத்தான். ஆண்டிற்கு சில நாட்கள் விடுமுறையை உற்சாகமாக கழிக்க திட்டமிடலாம்.

புத்தாண்டு தொடங்கி ஆயுத பூஜை விடுமுறை வரை 2018ஆம் ஆண்டு வார விடுமுறை நாட்களை ஒட்டியே விஷேச தினங்கள் வருகின்றன. எனவே விடுமுறை நாட்களை சந்தோசமாக கழிக்க இப்போதே திட்டமிடுங்கள் மக்களே!

குடியரசு தினம்

2018ஆம் ஆண்டு புத்தாண்டு திங்கட்கிழமை பிறக்கிறது. எனவே டிசம்பர் 30 முதல் ஜனவரி 1 முடிய 3 நாட்கள் வார விடுமுறையை மகிழ்ச்சியாக கழிக்கலாம். அதேபோல குடியரசு தினம் ஜனவரி 26 வெள்ளிக்கிழமை வருகிறது. அப்போ வெள்ளி, சனி, ஞாயிறு 3 நாட்கள் என்ஜாய் பண்ணலாம்.

அறுவடை திருநாள்

பொங்கல் பண்டிகை ஞாயிறு வந்தாலும் சனிக்கிழமை தொடங்கி செவ்வாய்கிழமை ஜனவரி 16ஆம் தேதி வரை நான்கு நாட்கள் விடுமுறை காலமாகும். ஜல்லிக்கட்டு, காணும் பொங்கல் என்று களைகட்டும் இடங்களுக்கு பயணிக்கலாம்.

மார்ச் மாதம்

பிப்ரவரி மாதம் மகாசிவராத்திரி பண்டிகை வருகிறது. அது தமிழகத்தில் விடுமுறை வேண்டும் என்பவர்கள் எடுத்துக்கொள்ளலாம். மார்ச் மாதம் 29.3.2018 மகாவீர் ஜெயந்தி வியாழக்கிழமை 30.3.2018 புனித வெள்ளி, சனி, ஞாயிறு என நான்கு நாட்கள் விடுமுறை வருகிறது.

ரம்ஜான், மொகரம்

15.6.2018 ரம்ஜான் பண்டிகை வெள்ளிக்கிழமை கொண்டாடப்படுகிறது. அன்றைய தினத்தோடு சனி, ஞாயிறு விடுமுறை நாளாகும். அதே போல 21.9.2018 மொகரம் பண்டிகை வெள்ளிக்கிழமை கொண்டாடப்படுகிறது. அதோடு வெள்ளி சனி, ஞாயிறு என விடுமுறையை கழிக்க திட்டம் போடலாம்.

பண்டிகை நாட்கள்

18.10.2018 ஆயுத பூஜை வியாழக்கிழமை தொடங்கி 19.10.2018 விஜயதசமி வெள்ளிக்கிழமை விடுமுறை நாளாகும் தொடர்ந்து சனி, ஞாயிறு விடுமுறை கொண்டாட்டமாக வருகிறது. அதே போல 6.11.2018 தீபாவளி திருநாள் செவ்வாய்க்கிழமை வருகிறது. சனி, ஞாயிறு, திங்கள், செவ்வாய், புதன் என 5 நாட்கள் விடுமுறை நாட்களாகிவிடும். இப்போதே திட்டமிடுங்கள்,விமானம், ரயில், ஹோட்டல்களில் புக் பண்ணுங்க.

English summary

One of the first things that a traveller will do at the start of the year is take a look at the calendar and mark all the long weekends in 2018 that make for those exciting long vacation, each of which is their opportunity to check off a destination from his bucket list.