பேஸ்புக்கில் பார்த்து.. வாட்ஸ் ஆப்பில் சிரித்து... எஸ்.எம்.எஸ்ஸில் உயிர்க்கும் காதல்....!

Updated: Saturday, February 14, 2015, 9:25 [IST]

Subscribe to Oneindia Tamil

சென்னை : ‘அன்னலும் நோக்கினான், அவளும் நோக்கினாள்' காதல் எல்லாம் இப்போது விரல் விட்டு எண்ணி விடலாம். வாட்ஸ் அப்பும், பேஸ்புக்கும் காதலை நம் கைகளிலேயே கொண்டு வந்து தருகின்றன.

ஆனாலும், இன்றும் நம்மில் பலருக்கு காதல் என்றால் என்னவென்று பாடம் நடத்தத் தான் வேண்டியிருக்கிறது.

காதல் என்பது ஹார்மோன்களின் வேலை என அறிவியல் சொல்கிறது, ஆனால், காதல் என்பது தீவிரமான உணர்வு நிலை. அது கல்லைக் கூடக் கனிய வைக்கும் என்பது அனுபவசாலிகளுக்கு மட்டும் தான் தெரியும்.

காதல் என்பது...

காதல் வந்து விட்டால் வார்த்தைகள் மணக்கும், மாமலையும் ஓர் கடுகாகத் தெரியும். ஆனால், பெரும்பாலான காதல்கள் தோல்வியில் முடிய முக்கியக் காரணமாக இருப்பது ஈகோ தான்.

அதையும் தாண்டி புனிதமானது...

தெருமுனையிலும், பஸ் ஸ்டாண்டிலும் தரிசனத்திற்காக காத்திருந்த நாட்கள் போய், பேஸ்புக், வாட்ஸ் அப் என சமூக ஊடகங்கள் மூலம் இன்று காதல் புதுப் பரிமாணம் எடுத்து உலவுகிறது.

மண்ணில் இந்தக் காதல் இன்றி...

இயந்திர உலகின் பல்வேறு நெருக்கடிகளுக்கு இடையே காதல் தான் இன்று நம்மில் பலரை வாழ வைத்துக் கொண்டிருக்கிறது. ரம்மியமான சூழலில், மயக்கும் மாலைப் பொழுதுகளில் பூங்காக்களில் டூயட் பாட முடியா விட்டாலும், தங்களுக்குத் தெரிந்த வகைகளில் ஒவ்வொருவரும் காதலைக் கொண்டாடிக் கொண்டு தான் இருக்கிறார்கள்.

விழியில் விழுந்து... உயிரில் கலந்து

எத்தனை சாதனை செய்தாலும், காதலற்ற வாழ்வு நிறைவற்ற வாழ்வு என்கிறார்கள் காதலர்கள். எதுவுமே சாதிக்கவில்லை என்றாலும் கூட, ஒட்டுமொத்த வாழ்வின் மிகச் சிறந்த அர்த்தம் காதல் தான் என்கிறார்கள் அவர்கள்.