தேமுதிக 2வது வேட்பாளர் பட்டியல் - சேலத்தில் எல்.கே.சுதீஷ் போட்டி

சென்னை: தேமுதிகவின் இரண்டாவது வேட்பாளர் பட்டியல் இன்று வெளியிடப்பட்டுள்ளது. அதில் சேலத்தில் எல்.கே. சுதீஷ் போட்டியிடுவதாக குறிப்பிடப்பட்டுள்ளது.

நாடாளுமன்ற தேர்தலில் விஜயகாந்தின் தேமுதிக பாஜகவுடன் கூட்டணி வைத்து போட்டியிடுகிறது. தொகுதி பங்கீட்டில் தேமுதிகவுக்கு அது கேட்டபடியே 14 தொகுதிகள் கிடைத்தன.

இதையடுத்து முதல் வேட்பாளர் பட்டியலை தேமுதிக வெளியிட்டது. இதையடுத்து இரண்டாவது வேட்பாளர் பட்டியலை வெளியிடுவது குறித்து விஜயகாந்த் கட்சி நிர்வாகிகளுடன் தீவிர ஆலோசனை நடத்தி வந்தார்.

இந்நிலையில் இரண்டாவது வேட்பாளர் பட்டியல் இன்று வெளியிடப்பட்டுள்ளது. திருப்பூரில் தினேஷ் குமார், கள்ளக்குறிச்சியில் வி.பி. ஈஸ்வரன், சேலத்தில் எல்.கே. சுதீஷ்(விஜயகாந்தின் மச்சான்), விழுப்புரத்தில் உமா சங்கர், மத்திய சென்னையில் ரவீந்திரன், கடலூரில் ஆர். ராமானுஜம், நெல்லையில் சிவனைந்த பெருமாள், திண்டுக்கலில் கிருஷ்ணமூர்த்தி, நாமக்கலில் எஸ்.கே. வேல் மற்றும் கரூரில் என்.எஸ். கிருஷ்ணன் போட்டியிடுகிறார்கள் என்று அதில் தெரிவிக்கப்பட்டுள்ளது.

English summary

DMDK has released the second list of candidates ahead of the lok sabha election. Accordingly, Vijayakanth's brother-in law LK Sutheesh will contest in Salem.