For Daily Alerts
Just In
அதிமுகவை சேர்ந்த ஆவின் இயக்குனர் வீட்டில் ரெய்ட்: தேர்தல் பறக்கும் படையினர் அதிரடி
ஈரோடு: ஈரோடு அருகே ஆவின் நிறுவன இயக்குனர் அசோக் வீட்டில் பறக்கும் படை அதிகாரிகள் சோதனையில் ஈடுபட்டுள்ளனர்.
ஈரோடு மாவட்டம் செல்லப்பம் பாளையத்தில் உள்ள அசோக் வீட்டில் 20 பேர் கொண்ட குழு சோதனையில் ஈடுபட்டுள்ளனர்.
வீட்டில் பல லட்சம் பதுக்கி வைத்திருப்பதாக வந்த புகாரின் பேரில் அதிகாரிகள் நடவடிக்கை எடுத்தனர். அசோக் ஈரோடு மாவட்ட அதிமுக விவசாய அணி துணைச் செயலாளராகவும் உள்ளளர்.
ஓட்டுக்கு பணம் கொடுக்கப்படுவதாக எழுந்த புகாரை அடுத்து தேர்தல் பறக்கும் படை அதிகாரிகள் பல்வேறு இடங்களில் வாகன சோதனை மேற்கொண்டுள்ளனர்.
இதுவரை பல கோடி ரூபாய் மதிப்புள்ள பணம் நகைகளை கைப்பற்றி கருவூலத்தில் சேர்த்துள்ளனர். தற்போது ஆளுங்கட்சியை சேர்ந்தவரின் வீட்டில் சோதனை மேற்கொண்டு வருகின்றனர் என்பது குறிப்பிடத்தக்கது.
Comments
English summary
The EC officials are now raiding the house of a Aavin director Ashok house.