65-ஆவது பிறந்தநாள்.. கோபாலபுரம் இல்லத்தில் கருணாநிதியிடம் வாழ்த்து பெற்ற ஸ்டாலின்
திமுக செயல்தலைவரும், எதிர்க்கட்சித் தலைவருமான மு.க.ஸ்டாலினின் 65-ஆவது பிறந்த நாளையொட்டி, கருணாநிதியிடம் இன்று மு.க.ஸ்டாலின் ஆசிபெற்றார்.
சென்னை: மு.க.ஸ்டாலின் தனது 65-ஆவது பிறந்தநாளை முன்னிட்டு தனது தந்தையும், திமுக தலைவருமான கருணாநிதியை அவரது கோபாலபுர இல்லத்தில் சந்தித்து வாழ்த்து பெற்றது.
ஆண்டுதோறும் மு.க.ஸ்டாலினின் பிறந்த நாள் மார்ச் 1-ஆம் தேதி கொண்டாடப்பட்டு வருகிறது. வழக்கமாக அவரது பிறந்த நாள் கொண்டாட்டமாக இருக்கும், இந்நிலையில் இந்த ஆண்டு அவர திமுகவின் செயல் தலைவராக பொறுப்பேற்றுள்ளதால் இன்று விழா களைக்கட்டியது.
இதையொட்டி அவரது ஆழ்வார்பேட்டை இல்லத்தில் திமுக நிர்வாகிகள், மூத்த அமைச்சர்கள், தொண்டர்கள் என குவிந்தனர். பட்டாசு வெடித்து இனிப்பு வழங்கிக் கொண்டாட்டத்தில் ஈடுபட்டனர். முன்னதாக, கருணாநிதியை கோபாலபுரத்தில் உள்ள இல்லத்தில் சந்தித்த மு.க.ஸ்டாலின், அவரிடம் வாழ்த்து பெற்றார்.
பின்னர் மெரினாவில் உள்ள அண்ணா நினைவிடத்திலும்ம் பெரியார் திடலில் உள்ள பெரியார் நினைவிடத்திலும் அவர் மரியாதை செலுத்தினார். அவருடன் முன்னாள் அமைச்சர்களான துரைமுருகன், எ.வ.வேலு, டி.ஆர்.பாலு உள்ளிட்டோர் சென்றனர்.
கட்சி தலைமையகமான அண்ணா அறிவாயலம் சென்றார். அங்கு திமுக நிர்வாகிகள், தொண்டர்கள், பொதுமக்கள் உள்ளிட்டோர் வரிசையில் நின்று மு.க.ஸ்டாலினுக்கு வாழ்த்து தெரிவித்து பரிசு பொருள்களை வழங்கி வருகின்றனர்.
Click it and Unblock the Notifications
Sign in with Google