மனைவி பேரக்குழந்தைகளுடன் மெரினா பீச்சுக்கு விசிட் அடித்த ஸ்டாலின்

சென்னை: திமுக செயல் தலைவர் மு.க. ஸ்டாலின் தனது மனைவி, பேரக்குழந்தைகளுடன் வியாழக்கிழமை இரவு மெரினா கடற்கரைக்கு வந்தார்.

திமுக செயல் தலைவர் மு.க.ஸ்டாலின் தனது மனைவி மற்றும் பேரக்குழந்தைகளுக்கு நேரம் ஒதுக்குவதில் எப்போதும் தவறுவதில்லை. கட்சி நிகழ்ச்சிகள் தவிர மற்ற நிகழ்ச்சிகளுக்கு மனைவியுடன் கலந்துகொள்வார் ஸ்டாலின்.

இதனிடையே வழக்கமாக வாரத்துக்கு ஒரு முறை ஸ்டாலின் தனது மனைவி, பேரக்குழந்தைகளுடன் மெரினா கடற்கரைக்கு செல்வது வழக்கம். ஆர்.கே.நகர் தேர்தல் அறிவிக்கப்பட்டதில் இருந்து வேட்பாளர் தேர்வு, பிரசாரம் என பிஸியாக இருந்த காரணமாக சில வாரங்கள் பேரக் குழந்தைகளை அழைத்துக் கொண்டு மெரினாவுக்கு செல்ல இயலவில்லை.

இந்நிலையில் ஆர்.கே.தேர்தல் ரத்தானதை அடுத்து ஸ்டாலின் நேற்று இரவு பேரக்குழந்தைகளை அழைத்துக் கொண்டு மெரினா கடற்கரைக்கு வந்தார். அங்கு ராட்டினத்தில் பேரக் குழந்தைகள் மகிழ்ச்சியாக சுற்றி வருவதை ஸ்டாலின், அவரது மனைவி துர்கா ரசிக்கின்றனர். இந்த புகைப்படம் தற்போது பேஸ்புக்கில் வலம் வருகிறது.

English summary

DMK working president M.K.Stalin visit to marina beach with his wife and grandchildren