'சூப்பர் ஸ்டார்' நீண்ட ஆரோக்கியத்துடன் வாழ வாழ்த்துகிறேன்....மு.க.ஸ்டாலின்

சென்னை: இந்திய சூப்பர் ஸ்டார் என்ற நிலையிலிருந்து ரசிகர்களால் உலக சூப்பர் ஸ்டார் என்று கொண்டாடப்படும் ரஜினியின் 64 ஆவது பிறந்த நாள் இன்று.

கோடிக்கணக்கான அவரது ரசிகர்கள் அவருக்கு சமூக வலைத் தளங்களிலும், தொலைக்காட்சிகள் மூலமும் நேரிலும் வாழ்த்துகளைச் சொல்ல ஆரம்பித்துவிட்டார்கள், அதிகாலை 12 மணியிலிருந்தே.

இன்று காலையிலிருந்து ரஜினிக்கு பல்வேறு தலைவர்களும், திரையுலகப் பிரமுகர்களும் போனில் வாழ்த்து தெரிவித்து வருகின்றனர்.

இந்நிலையில் திமுக பொருளாளர் மு.க.ஸ்டாலின் ரஜினிகாந்தினை போனில் அழைத்து வாழ்த்து தெரிவித்துள்ளார்.

அதுகுறித்த அவரது பேஸ்புக் பதிவில், "திரு ரஜினிகாந்த் அவர்களை தொலைபேசியில் தொடர்பு கொண்டு பிறந்த நாள் வாழ்த்துக்களை தெரிவித்தேன்.

சூப்பர் ஸ்டார் நீண்ட ஆரோக்கியமான வாழ்வை பெற வாழ்த்துவதோடு அவர் தொடர்ந்து இன்னும் பல ஆண்டுகள் தன்னுடைய ரசிகர்களை ஊக்குவித்து மகிழ்விக்க வாழ்த்துகிறேன்" என்று தெரிவித்துள்ளார் ஸ்டாலின்.

English summary

I spoke to Thiru. Rajinikanth and wished him on his birthday. I wish the superstar a long & healthy life and hope he continues to entert ain and inspire his millions of fans for many more years to come!