மருத்துவ சீட் மோசடி வழக்கு: மதன் கூட்டாளி குணா மும்பையில் கைது!
சென்னை: எஸ்.ஆர்.எம். மருத்துவ கல்லூரியில் சீட் வாங்கித் தருவதாக பணம் வாங்கி மோசடி செய்த வழக்கில் வேந்தர் மூவிஸ் மதனின் நெருங்கிய கூட்டாளி குணா மும்பையில் கைது செய்யப்பட்டுள்ளார்.
எஸ்.ஆர்.எம். மருத்துவப் படிக்கு இடம் வாங்கித் தருவதாக கூறி 112 பேரிடம் ரூ. 75 கோடி மோசடி நடந்துள்ளது என்பது புகார். இந்த வழக்கில் முக்கிய குற்றவாளியாக கருதப்படும் வேந்தர் மூவிஸ் மதன் தலைமறைவாகியுள்ளார்.
இவ்வழக்கை சென்னை உயர்நீதிமன்றம் விசாரித்து வருகிறது. இந்த வழக்கில் எஸ்.ஆர்.எம் குழுமத் தலைவர் பச்சமுத்துவும் சேர்க்கப்பட்டுள்ளார்.
இந்த நிலையில் மதனின் நண்பர் சுதிரை போலீசார் கைது செய்து விசாரித்தனர். அவர் அளித்த தகவலின்படி மதனின் நண்பர் குணா என்பவரை தனிப்படை போலீசார் மும்பையில் கைது செய்துள்ளனர்.
அவரை சென்னைக்கு அழைத்து வரவும் போலீசார் திட்டமிட்டுள்ளனர். அத்துடன் மதன் விரைவில் பிடிபடுவார் என்றும் போலீசார் தெரிவித்துள்ளனர்.