அதிமுக அவைத்தலைவர் மதுசூதனனுக்கு திடீர் உடல்நலக்குறைவு- அப்பல்லோவில் அனுமதி

அதிமுக அவைத்தலைவர் மதுசூதனன் திடீர் உடல்நலக்குறைவால் அப்பல்லோ மருத்துவமனையில் அனுமதிக்கப்பட்டுள்ளார்.

சென்னை : அதிமுக அவைத்தலைவர் மதுசூதனன் உடல்நலக்குறைவால் சென்னையில் உள்ள அப்பல்லோ மருத்துவமனையில் அனுமதிக்கப்பட்டுள்ளார். அவருக்கு அங்கு தீவிர சிகிச்சை அளிக்கப்பட்டு வருகிறது.

அதிமுகவின் அவைத்தலைவராக இருந்து வருபவர் மதுசூதனன். கட்சியின் மூத்த நிர்வாகியான இவர், ஆர்.கே.நகர் இடைத்தேர்தலில் டி.டி.வி தினகரனை எதிர்த்து அதிமுக வேட்பாளராக போட்டியிட்டார்.

இவருக்கு நேற்று இரவு திடீரென உடல்நலக்குறைவு ஏற்பட்டது. இதனையடுத்து சென்னையில் உள்ள அப்பல்லோ மருத்துவமனையில் மதுசூதனன் அனுமதிக்கப்பட்டுள்ளார்.

தற்போது அவருக்கு தீவிர சிகிச்சை அளிக்கப்பட்டு வருவதாக மருத்துவர்கள் தெரிவித்துள்ளனர்.

English summary

Madhusudhanan admitted in Apollo Hospital. ADMK Presidium Chairman E Madhusudhanan admitted in Apollo hospital as he falls ill yesterday Night.