உலகத்துக்கே தெரியட்டும்.. கூகுள் டூடுலில் ஜல்லிக்கட்டைப் போடுங்க... அலங்காநல்லூர் மக்கள் வேண்டுகோள்

கூகுள் டூடுலில் தமிழர்களின் ஜல்லிக்கட்டைப் போட வேண்டும் என அலங்காநல்லூர் பகுதி மக்கள் கோரிக்கை விடுத்துள்ளனர். உலகம் முழுவதும் தமிழர்களின் அறவழிப் போராட்டம் தெரிய வேண்டும் என்றும் அலங்காநல்லூர் மக்கள்

மதுரை: மதுரை அலங்காநல்லூரில் ஐந்தாவது நாளாக ஜல்லிக்கட்டுக்கு ஆதரவான போராட்டம் நடைபெற்று வருகிறது. இதில் பங்கேற்றவர்கள் கூகுள் டூடுலில் ஜல்லிக்கட்டு போராட்டத்தை போட வேண்டும் என கோரிக்கை விடுத்துள்ளனர்.

தமிழகம் முழுவதும் ஜல்லிக்கட்டுக்கு ஆதரவாக போராட்டங்கள் நடைபெற்று வருகின்றனர். வெளிநாடுகளில் உள்ள தமிழர்களும் ஜல்லிக்கட்டுக்கு ஆதரவு தெரிவித்து போராடி வருகின்றனர்.

இந்நிலையில் மதுரை அலங்கலாநல்லூரில் 5வது நாளாக மாணவர்கள் மற்றும் பொதுமக்கள் போராடி வருகின்றனர். அவர்கள் உலகம் முழுவதும் தமிழர்களின் ஜல்லிக்கட்டு குறித்தும் தமிழர்களின் அறவழி போராட்டம் குறித்தும் தெரியப்படுத்த வேண்டும் என தெரிவித்துள்ளனர்.

இதற்காக உலகம் முழுவதும் பெரும்பாலான மக்களால் பயன்படுத்தப்படும் கூகுள் பக்கத்தில் டூடுலாக தமிழர்களின் ஜல்லிக்கட்டை வெளியிட வேண்டும் என அலங்காநல்லூர் மக்கள் கோரிக்கை விடுத்துள்ளனர்.

English summary

Madurai Alanganallur Jallikattu proters request google to apply jallikattu on their doodle. Alanganallur people wants jallikattu protest to spread across the wolrd.