'மை ஆவடி' App .... கலக்கும் ஆவடி அதிமுக எம்.எல்.ஏ மாஃபா பாண்டியராஜன்

சென்னை: ஆவடி தொகுதி மக்களுக்காக அந்த தொகுதியின் எம்.எல்.ஏ .மாஃபா பாண்டியராஜன் பிரத்தியோகமாக ' My Avadi' என்ற செயலியை உருவாக்கியுள்ளார். இதை ஸ்மார்ட் போனில் பதிவிறக்கம் செய்து ஆவடி பகுதியில் இருக்கும் பிரச்சனைகளை உடனுக்குடன் தெரிவிக்கலாம்.

க.பாண்டியராஜன் விருதுநகர் மாவட்டம், சிவகாசி அருகே விளாம்பட்டி கிராமத்தில் 1959 - ஏப்ரல் 26 ஆம் நாள் பிறந்தார். பாண்டியராஜன் சிவகாசி எஸ்ஹெச்என்வி பள்ளியில் பள்ளிபடிப்பையும் ,அய்யநாடார் ஜானகி அம்மாள் கல்லூரியில் பியுசி வகுப்பையும் நிறைவு செய்தார்.

கோயம்பத்தூர் பிஎஸ்ஜி கல்லூரியில் பொறியியல் பட்டம் பெற்றார். பின் ஜாம்ஷெட்பூர் புனித சேவியர் தொழிலாளர் பயிற்சி கல்லூரியில் எம்.பி.ஏ பட்டம் பெற்றார்.பின் வங்காளத்தில் புகழ் பெற்ற பிரிட்டிஷ் ஆக்சிஜன் கம்பெனியில் மனித வள மேம்பாட்டு துறையில் பணிபுரிந்தார்.

'Mafoi' என்ற நிறுவனத்தை 1992ம் ஆண்டு தொடங்கினார். அறுபதாயிரம் ரூபாயில் 1992 துவங்கபட்ட Mafoi நிறுவனம் 2010 ஆம் ஆண்டு தனது டர்ன் ஓவர் 1000 கோடியை எட்டியது. ஒரு கட்டத்தில் அறுபதாயிரம் ஊழியர்களுடன் தன் வேர்களை விஸ்தரித்தது. இதுவரை 3.5 லட்சம் இளைஞர்களுக்கு உள்நாட்டிலும் ,வெளிநாட்டிலும் வேலை வாய்ப்பை உருவாக்கி தந்துள்ளார்.

அரசியல் ஆர்வம் காரணமாக பாஜகவில் இணைந்து பின்னர் விஜயகாந்த் தொடங்கிய தேமுதிகவில் இணைந்து விருதுநகர் சட்டசபை தொகுதி எம்.எல்.ஏவானார். சில ஆண்டுகளிலேயே அதிமுக ஆதரவு எம்.எல்.ஏவாக மாறிய பாண்டியராஜன், கடந்த சில மாதங்களுக்கு முன்னர் அதிகாரப்பூர்வமாக அதிமுகவின் இணைந்தார்.

சமீபத்தில் நடந்து முடிந்த சட்டசபை தேர்தலில் ஆவடி தொகுதியில் போட்டியிட வாய்ப்பளித்தார் ஜெயலலிதா. வெற்றி பெற்று ஆவடி எம்.எல்.ஏவாக அறியப்பட்டுள்ள மாஃபா பாண்டியராஜன், எம்.எல்.ஏவாக பதவியேற்கும் முன்பாகவே மக்களின் குறை தீர்க்கும் ஆப்ஸ் ஒன்றை உருவாக்கியுள்ளார்.

MY AVADi என்ற இந்த ஆப்ஸை http://www.kpandiarajan.com/ என்ற இணையதளத்திற்கு சென்று பதிவிறக்கம் செய்து உங்கள் வாக்காளர் எண்ணை கொடுத்து Login செய்து உள்ளே சென்று உங்கள் புகார்களை தெரிவிக்கலாம்.

எம்.எல்.ஏ பாண்டியராஜனின் செயலியில் குறை கேட்கும் இந்த புதிய முயற்சிக்கு பலரும் பாராட்டுக்களை தெரிவித்து வருகின்றனர்.

Good start Sir..good luck and god bless @mafoikprajan pic.twitter.com/UAZLE4oxfN

— Ganesh Padmanabhan (@GaneshPadmanabh) May 22, 2016

@mafoikprajan Its such a nice creativity by you making communication very easy. Congrats sir and all the best sir. pic.twitter.com/8JWD8jhrCi

— இராம.மோகன் _ AIADMK (@Nanbaendaaa) May 23, 2016

English summary

Mafoi Pandiarajan ADMK MLA has put up a mobile app for my constituency.