கருணாநிதியை சந்திக்க விரும்புகிறேன்... கனிமொழியிடம் மமதா

திமுக தலைவர் கருணாநிதியை சந்திக்க விரைவில் தமிழகம் வருகை தருகிறார் மமதா பானர்ஜி.

By Raj

Updated: Wednesday, March 28, 2018, 12:08 [IST]

Subscribe to Oneindia Tamil

Recommended Video

மூன்றாவது அணியை அமைக்கும் பணியில் ஈடுபட்டுள்ள மம்தா பானர்ஜி- வீடியோ

சென்னை: திமுக தலைவர் கருணாநிதியை சந்திக்க விரும்புவதாக ராஜ்யசபா எம்.பி. கனிமொழியிடம் மேற்கு வங்க முதல்வர் மமதா பானர்ஜி தெரிவித்துள்ளார்.

பாஜகவுக்கு எதிராக வலிமையான கூட்டணியை உருவாக்குவதில் மமதா பானர்ஜி மிகத் தீவிரமாக இருக்கிறார். டெல்லியில் முகாமிட்டுள்ள மமதா பானர்ஜி பாஜகவுக்கு எதிரான அத்தனை கட்சித் தலைவர்களையும் அடுத்தடுத்து சந்தித்து வருகிறார்.

திமுகவின் ராஜ்யசபா எம்.பி. கனிமொழியையும் மமதா பானர்ஜி நேற்று சந்தித்து பேசினார். அப்போது பாஜக- காங்கிரஸுக்கு மாற்றாக 3-வது அணி அமைப்பது குறித்து ஸ்டாலினுடன் ஏற்கனவே தாம் பேசியதை மமதா நினைவு கூர்ந்தார்.

தற்போது காங்கிரஸுடன் கூட்டணியில் உள்ள திமுகவின் நிலைப்பாடு குறித்தும் மமதா கேட்டார். இந்த பேச்சுவார்த்தையின் போது தீவிர அரசியலில் இருந்து முதுமையால் ஓய்வில் இருக்கும் கருணாநிதியை தாம் சந்திக்க விரும்புவதாகவும் மமதா தெரிவித்துள்ளார்.

கருணாநிதி தற்போது நலமுடன் இருப்பதால், நீங்கள் எப்போது வேண்டுமானாலும் வரலாம்... செயல் தலைவர் ஸ்டாலினிடம் இது பற்றி பேசுகிறேன் என பதிலளித்திருக்கிறார் கனிமொழி. இதனால் விரைவில் கருணாநிதியை சந்திக்க மமதா பானர்ஜி சென்னை வரக் கூடும் என கூறப்படுகிறது.