"சென்னை மழையில் ஒரு சாகசப் பயணம்”- சிரிக்க வைத்துப் புரட்டிப் போட்ட மெட்ராஸ் சென்ட்ரல் வீடியோ!

சென்னை: தமிழகத்தில் வடகிழக்கு பருவமழை புரட்டி எடுத்தாலும் எடுத்தது, சென்னையைக் குறிவைத்து மீம்களும், வீடியோக்களும் சமூக வலைதளங்களில் களை கட்டி வருகின்றன.

அந்த வகையில் மெட்ராஸ் சென்ட்ரல் வெளியிட்டுள்ள மேன் வெஸ்சஸ் ரெயின் என்கின்ற வீடியோ டிஸ்கவரியின் "man vs wild" என்ற நிகழ்ச்சியின் நகைச்சுவை வடிவமாக வெளியாகி சென்னை மழையிலும் சிரிக்க வைத்துள்ளது.

பிரிச்சு மேஞ்ச மழை...வச்சு செஞ்ச மழை...மழையால் தீவாய் மாறிக் கிடக்கும் சென்னை என்று டிஸ்கவரி டப்பிங் போலவே பேசி வயிறு குலுங்க சிரிக்க வைத்துள்ளது இந்த வீடியோ.

சாதாரண மனிதனின் பயணம்:

கொடூர ஜீவராசிகள் என அட்டைப் பூச்சி, நத்தையெல்லாம் காட்டி அதே மாடுலேஷனில் வேறு பேசுகின்றார்கள். இந்த சாதாரண மனிதனின் பயணம்... என்று கொட்டேஷன் வேறு.

டிபன் பாக்ஸ் பத்திரம்:

இந்த நீர் நிலையைக் கடந்துதான் நான் இன்னைக்கு ஆபிஸ் போகனும்...பாருங்க இந்த மழைல முக்கியமா நாம செய்ய வேண்டியது டிபன் பாக்ஸை பத்திரமா பேக் உள்ள வைக்க வேண்டியது என்கிறார் நம்ம சாதாரண மனிதன்.

ஆபிஸ் போலாம் வாங்க:

இந்த மாதிரி எவ்வளவு மழை பெஞ்சாலும் ரமணன் சார் சொன்னா ஸ்கூலுக்குதான் லீவ் விடுவாங்க ஆபிசுக்கு இல்லை என்கின்றார். ஆபிசுக்கு போனாதான் கிரெடிட் கார்ட், ஹோம் லோன்லாம் கட்ட முடியும் வாங்க அதலாம் கட்ட நாம ஆபிஸ் போவோம் வாங்க என்கிறார்.

டேஸ்டான இறால் மீன்:

இந்த மழையில் கிடைக்கும் இறால் மீன் புரோட்டின் நிறைந்த ஒன்று. அடிக்கடி தண்ணியப் பார்க்கறவங்களுக்கு பிரச்சினை இல்லை. இது மாதிரி எப்போவாவது பார்க்கிற சென்னை வாசிகளுக்கு இது பெரிய கஷ்டம் தான் என்று டயலாக்கில் தெறிக்க சாரி சிரிக்க விடுகிறார்.

வயிறு புண்ணாக கேரண்டி:

இன்னும் நிறைய நிறைய அப்படியே மேன் வெஸ்சஸ் வைல்டினை நம்ம சென்னைக்கு ஏற்ப கலாட்டாவாக மாற்றி வெளியிட்டுள்ளனர் குழுவினர். மொத்தத்தில் சிரிச்சு, சிரிச்சே வயிறும் புண்ணாக இந்த வீடியோவும் கேரண்டி!

English summary

Madras central relesed a video about chennai rain in the resemblance of "man vs wild".