வாடா கண்ணா, மார்ஸில் மங்கள்யானை வரவேற்ற ரஜினிகாந்த்: ட்விட்டர் கலாட்டா

By Siva

Published: Friday, September 26, 2014, 16:46 [IST]

Subscribe to Oneindia Tamil

சென்னை: சூப்பர் ஸ்டார் ரஜினிகாந்த் செவ்வாய் கிரகத்திற்குள் நுழைந்த மங்கள்யான் விண்கலத்தை வரவேற்பது போன்ற புகைப்படம் சமூக வலைதளங்களில் பிரபலமாகியுள்ளது.

மங்கள்யான் விண்கலம் செவ்வாய் கிரகத்திற்குள் நுழைந்துள்ளதை நினைத்து இந்தியர்கள் பெருமை அடைந்துள்ளனர். அந்த சாதனையை நாடு முழுவதும் மக்கள் கொண்டாடி வருகின்றனர்.

இந்நிலையில் ரஜினிகாந்த் மங்கள்யானுக்கு முன்பே செவ்வாய் கிரகத்தில் இருப்பதாக சமூக வலைதளங்களில் காமெடி புகைப்படங்கள் வெளியிடப்பட்டுள்ளன.

வெல்கம்

செவ்வாய் கிரகத்திற்குள் நுழைந்த மங்கள்யானை பார்த்து ரஜினி, கண்ணா மங்கள்யானா வெல்கம் டூ மார்ஸ் டா என்று கூறும் புகைப்படம் ஃபேஸ்புக் முதல் வாட்ஸ்ஆப் வரை பிரபலமாக உள்ளது.

மைண்ட் இட்

மங்கள்யான் எடுத்து அனுப்பிய முதல் புகைப்படத்தில் சிவாஜி படத்தில் வரும் மொட்டை பாஸ் ரஜினி மைண்ட் இட் சொல்வது போன்று இருக்கும் புகைப்படம் ட்விட்டரில் பிரபலமாக உள்ளது.

ரஜினி

ரஜினி ஏற்கனவே செவ்வாய் கிரகத்திற்கு சென்றுள்ளார் அதனால் தான் அங்கு ஜீவராசிகள் இல்லையாம்.

பாடல்

செவ்வாய் கிரகத்திற்கு செல்ல அதிக பணம் செலவாகாது என்பதால் பாடல் காட்சிகளை அங்கு படமாக்க பாலிவுட் இயக்குனர்கள் திட்டமிட்டுள்ளனர். மேலும் அங்கு படமாக்கினால் ரஜினிகாந்தை கெஸ்ட் ரோலில் வரச் சொல்லலாம் என்று ஒருவர் ட்வீட் செய்துள்ளார்.