இவர் யார் என்று தெரிகிறதா... ?

சென்னை: மசாபா குப்தா.. யார் என்று தெரிகிறதா.. விவியன் ரிச்சர்ட்ஸுக்கும், நீனா குப்தாவுக்கும் பிறந்த மகள். இப்போது இவர் ஒரு புகழ் பெற்ற பேஷன் டிசைனர். தனித்துவம் கொண்ட பெண்ணாக தனது துறையில் மிளிர்கிறார்.

தந்தையின் பெயரையும், தாயின் பெயரையும் பயன்படுத்தாமல் தனது திறமையை முன்வைத்து தனது துறையில் சத்தமில்லாமல் சாதித்து வருபவர் மஸாபா.

கடந்த மாதம்தான் இவரது திருமணம் நடந்தேறியது. பாலிவுட்டில் நிறையப் பேருக்கு இவர் நல்ல தோழியாக விளங்கி வருபவர். பல பிரபலங்களுக்கு டிரஸ் வடிவமைப்பாளர் இவர்தான்.

26 வயதில் இமயம் தொடும் சாதனை

26 வயதுதான் ஆகிறது மசாபாவுக்கு. அதற்குள் பேஷன் டிசைனிங்கில் தனக்கென தனி முத்திரையுடன் வலம் வருகிறார் மசாபா. இந்திய பேஷன் துறையில் தவிர்க்க முடியாத நபராகவும் மாறி நிற்கிறார்.

தற்செயலாக வந்த துறை

ஆனால் மசாபா இதை விரும்பித் தேர்ந்தெடுக்கவில்லை. எல்லாம் தற்செயலாக நடந்தது. 19 வயதில் அவர் புகைப்படக் கலைஞராக விரும்பி அதை நோக்கி முன்னேறிக் கொண்டிருந்தபோதுதான் தெரியாத்தனமாக பேஷன் டிசைனிங்கில் வந்து விழுந்து விட்டார். பிறகு இதுவே வாழ்க்கையாகிப் போனது அவருக்கு.

பாக்கெட் வச்ச சேலை

டிசைனிங்கில் செமயான விஷயங்களைச் செய்த பெருமைக்குரியவர் மசாபா. அதாவது சேலையில் பாக்கெட் டிசைன் வைத்து அசத்தியவர் இவர். அந்தக் காலத்தில் சுருக்குப் பை வைத்திருப்பார்கள் நம்ம பாட்டிகள். அதே ஸ்டைல்தான் இதுவும்.

விக்கிறது கஷ்டமாச்சே

டிசைன் டிசைனாக ஆடைகளை வடிவமைத்து எளிதாக விற்கலாம் என்று பலர் கருதுகிறார்கள். ஆனால் அப்படி அல்ல. நமது டிசைன் வெற்றி பெற நாம் கடுமையாக மெனக்கெட வேண்டும் என்று சொல்கிறார் மசாபா.

பெர்சனல் டிரஸ் மேக்கர்

பாலிவுட்டில் பிரபலங்களான ஆலியா பட், சோனம் கபூர், கரீனா கபூர், ஜாக்குலின் பெர்னாண்டஸ், மந்திரா பேடி என பலருக்கும் இவர் டிரஸ் டிசைனராக இருக்கிறார்.

திருமண பந்தத்தில்

தற்போது குடும்பமும், குடித்தனமுமாக இல்லத் தலைவியாகவும் மாறியுள்ளார் மசாபா. தனது காதலரும், தயாரிப்பாளருமான மது மன்டேனாவுடன் கடந்த ஜூன் மாதம்தான் திருமணம் முடிந்தது மசாபாவுக்கு.

மறைக்காமல் அங்கீகரித்த ரிச்சர்ட்ஸ்

மேற்கு இந்தியத் தீவுகள் அணியின் ஜாம்பவானாக இருந்தபோது நீனாவை காதலித்து மணந்தார் ரிச்சர்ட்ஸ். இந்தத் திருமணத்தையும், நீனா தனது மனைவி என்பதையும் அவர் மறைத்ததில்லை. அதேபோல மசாபா மீதும் அன்பு வைத்திருப்பவர்.

தற்போது தனது தந்தையைக் காண கணவருடன் போயுள்ளாராம் மசாபா.

English summary

Masaba, The daughter of Richards and Neena Gupta is rocking in Bollywood as the personal dress maker of various celebrites.