இதுதான் மதிமுக வேட்பாளர் பட்டியல்?
சென்னை: மதிமுக சார்பில் போட்டியிடும் 7 வேட்பாளர்கள் குறித்த பட்டியலை மதிமுக முடிவு செய்து விட்டதாம்.
7 வேட்பாளர்கள் யார் என்ற விவரமும் கசிய ஆரம்பித்துள்ளது. இருப்பினும் இன்னும் மதிமுக தனது அதிகாரப்பூர்வ பட்டியலை வெளியிடவில்லை.
இன்று மதிமுகவின் உயர் நிலைஆட்சி மன்ற குழு, அரசியல் ஆய்வுக் குழு மற்றும் மாவட்ட செயலாளர்கள் கூட்டம் நடந்தது. அதில் வைகோ கலந்து கொண்டார். அப்போது வேட்பாளர் பட்டியல் குறித்து ஆலோசிக்கப்பட்டது. அதில் வேட்பாளர்களுக்கு ஒப்புதலும் பெறப்பட்டதாக தெரிகிறது.
இதையடுத்து அடுத்து வேட்பாளர் பட்டியலை வெளியிட வேண்டும். ஆனால் பாஜக கூட்டணியில் இன்னும் தொகுதிப் பங்கீடு குறித்து தெளிவான நிலவரம் தெரிய வராமல் இருப்பதால் வேட்பாளர் பட்டியலை இன்று இரவு வாக்கில் மதிமுக வெளியிடலாம் என்று தெரிகிறது.
இருப்பினும், தற்போது இவர்கள்தான் இந்தத் தொகுதிகளில் போட்டியிடலாம் என்று தோராயமாக ஒரு பட்டியல் வெளியாகியுள்ளது.
அதன்படி,
விருதுநகர் - வைகோ
ஈரோடு - கணேசமூர்த்தி
காஞ்சிபுரம் - மல்லை சத்யா
ஸ்ரீபெரும்புதூர் - டாக்டர் மாசிலாமணி
தென்காசி - டாக்டர் சதன் திருமலை குமார்
தேனி - அழகு சுந்தரம்
தூத்துக்குடி - வக்கீல் ஜோயல் ஆகியோர் வேட்பாளர்களாக அறிவிக்கப்படவுள்ளதாக தெரிகிறது.