எம்.ஜி.ஆர். நூற்றாண்டு விழா: ஜன.17ல் இல் பொது விடுமுறையா? அரசு விரைவில் அறிவிப்பு!
அதிமுக நிறுவனரும், முன்னாள் முதல்வருமான எம்.ஜி.ஆர் நூற்றாண்டு விழாவை முன்னிட்டு ஜனவரி 17ஆம் தேதியன்று அரசு விடுமுறை விட முடிவு செய்யப்பட்டுள்ளதாக தகவல் வெளியாகியுள்ளது.
சென்னை: எம்.ஜி.ஆரின் நூற்றாண்டு பிறந்த நாள் விழா வரும் 17ஆம் தேதி கொண்டாடப்பட இருக்கிறது. இதனை முன்னிட்டு தமிழகம் முழுவதும் பல்வேறு நிகழ்ச்சிகளுக்கு ஆளும்கட்சியான அதிமுக ஏற்பாடுகளைச் செய்துள்ளது.
2017ஆம் ஆண்டு ஜனவரி 17 தொடங்கி 2018 ஜனவரி 17ஆம் தேதி வரை எம்.ஜி.ஆர். பிறந்த தினத்தைக் கொண்டாடவும் அந்தக் கட்சி அறிவிப்பு வெளியிட்டுள்ளது.
பொங்கல் விடுமுறைக்குப் பின்னர் எம்.ஜி.ஆரின் நூற்றாண்டு பிறந்த தினம் 17ஆம் தேதியன்று வருவதால் பொது அரசு விடுமுறை விட தமிழக அரசு முடிவு செய்துள்ளதாக கூறப்படுகிறது.
இந்த பொது விடுமுறை என்பது ஊதியத்துடன் கூடியதாக இருக்கும். மத்திய-மாநில அரசுகளின் விடுமுறைப் பட்டியலில் இல்லாத தினங்களுக்கு ஊதியத்துடன் கூடிய விடுமுறை அளிக்க முடியாது. எனவே, இதற்கென தனியான உத்தரவு பிறப்பிக்கப்படும் பட்சத்தில் ஊதியத்துடன் கூடிய விடுமுறை கொடுக்கப்படும்.
இந்த விடுமுறையை விடுவதற்கான பைல்கள் கையெழுத்திடப்பட்டு, அதற்கான அறிவிப்பு இன்று அல்லது நாளை வெளியாகும் என்று அரசு வட்டாரங்கள் தெரிவிக்கின்றன.
ஜனவரி 17ஆம் தேதி பொது விடுமுறையாக அறிவிக்கப்படும் அரசு ஊழியர்களுக்கு மொத்தம் 4 நாட்கள் விடுமுறை கிடைக்கும். கடந்த மாதம் டிசம்பர் 6ஆம் தேதி ஜெயலலிதா மறைவினை முன்னிட்டு அவருக்கு அஞ்சலி செலுத்தும் விதமாக பொது விடுமுறை விடப்பட்டது குறிப்பிடத்தக்கது.
Click it and Unblock the Notifications
Sign in with Google