எம்ஜிஆர் நூற்றாண்டு நிறைவு விழா.. அழைப்பிதழை பார்த்தால் ஷாக் ஆயிடுவீங்க பாஸ்!
Recommended Video
சென்னை: எம்ஜிஆர் நூற்றாண்டு நிறைவு விழா அழைப்பிதழில் வாழ்த்துரை வழங்குவோர் பட்டியலில் மு.க.ஸ்டாலின், டிடிவி தினகரன், எம்பி கனிமொழி ஆகியோரின் பெயர்களும் இடம்பெற்றுள்ளன.
எம்ஜிஆரின் 100-ஆவது ஆண்டு பிறந்தநாள் விழா இந்த ஆண்டு முழுவதும் கொண்டாடப்பட்டு வருகிறது. இதையொட்டி அவ்வப்போது எம்ஜிஆர் நூற்றாண்டு விழா பொதுக் கூட்டங்களை அரசு நடத்தியது.
இந்நிலையில் எம்ஜிஆரின் நூற்றாண்டு விழாவின் நிறைவு விழா வரும் 30-ஆம் தேதி ஞாயிற்றுக்கிழமை ஒய்எம்சிஏ மைதானத்தில் மாலை 4 மணிக்கு நடைபெறுகிறது.
அன்றைய தினம் அவரது திருவுருவப்படம் திறக்கப்பட்டு விழா மலர் வெளியீட்டு விழாவும் நடைபெறுகிறது. தமிழ்நாடு பொன்விழா ஆண்டையொட்டி நடைபெற்ற பல்வேறு போட்டிகளில் வெற்றி பெற்றவர்களுக்கு தங்கப்பதக்கம் அணிவித்து காசோலை, பாராட்டுச் சான்றிதழ் வழங்கப்படுகிறது.
இந்த விழா அழைப்பிதழில் வாழ்த்துரை வழங்குவோர் பட்டியலில் கட்சி பேதமின்றி பெயர்கள் இடம்பெற்றுள்ளன. இதில் எதிர்க்கட்சித் தலைவர் மு.க.ஸ்டாலின் என கொட்டை எழுத்தில் எழுதப்பட்டிருந்தது.
மேலும் டி.கே. எஸ். இளங்கோவன், பி.கே. சேகர் பாபு, மா. சுப்பிரமணியன், கனிமொழி, வாகை சந்திரசேகர் உள்ளிட்டோரின் பெயர்கள் இடம்பெற்றுள்ளன. இதில் ஆச்சரியப்படும் விஷயம் என்னவென்றால் டிடிவி தினகரனின் பெயரும் இடம்பெற்றுள்ளது.