ஜெயலலிதாவுக்கு தர்ப்பணம் கொடுத்த அமைச்சர் ஓ.எஸ்.மணியன்

வேதாரண்யம்: மறைந்த முன்னாள் தமிழக முதல்வர் செல்வி. ஜெயலலிதாவின் இரண்டாம் ஆண்டு நினைவு தினத்தையொட்டி அமைச்சர் ஓ.எஸ்.மணியன் திதி கொடுத்து தர்ப்பணம் செய்தார்.

தமிழக முன்னாள் முதலமைச்சரும் அதிமுக பொதுச் செயலாளருமான ஜெயலலிதாவின் இரண்டாம் ஆண்டு நினைவு தினம் இன்று அனுசரிக்கப்படுகிறது. இதையொட்டி நேற்று கைத்தறி மற்றும் துணி நூல் துறை அமைச்சர் ஓ.எஸ்.மணியன் நாகை மாவட்டம் வேதாரண்யத்தை அடுத்த கோடியக்கரை சேது கடலில் நீராடினார்.

பின்னர் திதி கொடுத்தும் தர்ப்பணம் செய்தும் வழிபாடு நடத்தினார். இதில் நாகை நகர செயலாளர்கள் தங்க கதிரவன். கணேசன், எழிலரசன்,எம்எல்ஏ ராதா கிருஷ்ணன், சென்னை பாலாஜி, ஒன்றிய செயலாளர் கிரிதரன் மற்றும் திரளான கட்சி நிர்வாகிகள் கலந்து கொண்டனர்.

English summary

Minister O.S.Manian gives ceremony to Jayalalitha in Vedaranyam coastal area for her second Memorial day.