கமல் நடத்தும் கட்டிபிடி வைத்தியம் விஸ்வரூபம் எடுக்காது - ராஜேந்திர பாலாஜி

கட்சி தொடங்கும் கமல்ஹாசனுக்கு ஆரம்பமே சகுனம் சரியில்லை என்று அமைச்சர் ராஜேந்திர பாலாஜி தெரிவித்துள்ளார்.

விருதுநகர் : புதிய அரசியல் கட்சி தொடங்கும் கமலுக்கு ஆரம்பமே சகுனம் சரியில்லை என்று அமைச்சர் ராஜேந்திர பாலாஜி கூறியுள்ளார்.

விருதுநகரில் செய்தியாளர்களிடம் பேசிய அமைச்சர் ராஜேந்திர பாலாஜி கூறியதாவது : அரசியல் கட்சி தொடங்கும் நடிகர் கமல்ஹாசனுக்கு தொடக்கமே சரியில்லை. கட்சி நடத்துவோரிடம் கட்டிப்பிடி வைத்தியம் செய்து வருகிறார் கமல்.

அரசியலுக்காக கமல் நடத்தும் கட்டிப்பிடி வைத்தியம் கேலிக்கூத்தாக இருக்கிறது. கமலின் கட்டிப்பிடி வைத்தியங்கள் விஸ்வரூபம் எடுக்காது. எத்தனை கமல் வந்தாலும் அதிமுகவை யாராலும் வீழ்த்த முடியாது.

வயதை கருத்தில் கொண்டு நடிகர் ரஜினிகாந்த் அரசியலுக்கு வராமல் இருப்பது நல்லது. ரஜினி வெளிப்படைத்தன்மை கொண்டவர் என்பதால் கமல் அரசியலுக்கு வருவதை வரவேற்றுள்ளார் என்றும் ராஜேந்திர பாலாஜி கூறியுள்ளார்.

English summary

Tamilnadu dairy development minister Rajendra Balaji jibes Kamalhaasan's meet with politicians and hugged them, and also says Kamalhaasan politics will never affect admk.