மீனம்பாக்கம் விமான நிலையத்தில் திடீர் தீ விபத்து

சென்னை: மீனம்பாக்கம் உள்நாட்டு விமான நிலையத்தில் இன்று பகல் எதிர்பாராத வகையில் ஏற்பட்ட தீ விபத்து காரணமாக பரபரப்பு உருவானது.

பறக்கும் விமானங்களின் மீது விமான நிலைய ஓடுபாதையை வட்டமிடும் கழுகு போன்ற பெரிய பறவைகள் மோதி விடாமல் இருக்க வெடிகளை கொளுத்தி பறவைகளை விரட்டுவது வழக்கம்.

அதேபோல இன்று பகல் வெடிகளை கொளுத்தி போட்ட போது அவற்றில் இருந்து பறந்த தீப்பொறி விமான நிலைய கட்டிடத்தின் ஒரு பகுதியில் பட்டதால் இந்த விபத்து ஏற்பட்டதாக அதிகாரிகள் தெரிவித்தனர்.

விபத்து பற்றிய தகவல் அறிந்ததும் விரைந்து வந்த தீயணைப்பு படையினர் உடனடியாக தீயை அணைத்து கட்டுப்படுத்தி விட்டதாகவும், இச்சம்பவத்தால் உயிரிழப்போ, உடமையிழப்போ ஏதும் ஏற்படவில்லை எனவும் அவர்கள் கூறினர்.

English summary

A minor fire broke out at Chennai airport on Wednesday. No one was injured in the incident.