சிறுபான்மையினரில் திமுகவுக்கு 25% - அதிமுகவுக்கு 24% ஆதரவு!!

சென்னை: லோக்சபா தேர்தலில் சிறுபான்மையினரில் திமுகவுக்கு 25% பேரும் அதிமுகவுக்கு 24% பேரும் ஆதரவு தெரிவிப்பதாக ஜூனியர் விகடன் சர்வேயில் தெரிவிக்கப்பட்டுள்ளது.

லோக்சபா தேர்தலையொட்டி நாள்தோறும் கருத்து கணிப்புகள் வெளியாகி வருகின்றன. ஜூனியர் விகடன் வாரம் இருமுறை ஏடும் தொடர்ந்து கருத்து கணிப்புகளை வெளியிட்டு வருகிறது.

இந்த வாரம் சிறுபான்மையினர் வாக்கு யாருக்கு என்ற தலைப்பில் ஒரு சர்வே நடத்தி முடிவுகளை வெளியிட்டுள்ளது.

திமுகவுக்கு 25% பேர் ஆதரவு

இந்த சர்வேயில் திமுகவுக்கு ஆதரவளிப்பதாக 24.81% பேர் தெரிவித்துள்ளனர். அதிமுகவுக்கு 24.09% பேர் ஆதரவு தெரிவித்துள்ளனர்.

பாஜகவுக்கு 13%

பாரதிய ஜனதா கட்சிக்கு ஆதரவளிப்பதாக 12.62% பேர் தெரிவித்துள்ளதாக கூறுகிறது சர்வே. காங்கிரஸ் கட்சிக்கு 15% பேர் ஆதரவு தெரிவித்துள்ளனர்.

ராகுலுக்கு 44% பேர் ஆதரவு

பிரதமர் பதவிக்கு யார் தகுதியானவர் என்பதற்கு ராகுலுக்கு 44.41% பேர் ஆதரவு தெரிவித்துள்ளனர். மோடிக்கு 24.35% பேரும் முதல்வர் ஜெயலலிதாவுக்கு 31.24% பேரும் ஆதரவு தெரிவித்துள்ளனர்.

மோடிக்கு எதிர்ப்பு

மேலும் பாஜகவின் பிரதமர் வேட்பாளர் நரேந்திர மோடியை எதிர்ப்பதாக 51.05% பேர் கூறியுள்ளனர்.

பாஜக அணிக்கு ஓட்டு இல்லை

பாரதிய ஜனதா அணிக்கு ஓட்டுப் போடமாட்டேன் என்று 73.79% பேர் கருத்து தெரிவித்துள்ளனர்.

எதிரி யார்?

சிறுபான்மையினரின் முக்கிய எதிரி பாஜகதான் என்று 57.30% பேரும் காங்கிரஸ்தான் என்று 15.43% பேரும் கூறியுள்ளனர்.

பதற்றத்துடன்..

தமிழகத்தில் சிறுபான்மையினர் பதற்றத்துடன் வாழ்வதாக 37.28% பேர் கூறியுள்ளனர். அதேபோல் மதவாதத்தை தீவிரமாக எதிர்க்கும் கட்சி இடதுசாரிகள்தான் என்று 31.1.7% பேர் கூறியுள்ளனர்.

English summary

An opinion poll by a popular Tamil weekly has found that the minority voters support DMK in Tamil Nadu in the coming Lok Sabha elections.