தென் மாநிலங்களில் பாஜக செயல்பாடு எப்படி? லாபமா, நஷ்டமா? இதோ விவரம்
2024 லோக்சபா தேர்தலில், பாஜக 240 இடங்களை வென்றது. இருந்தபோதிலும், பாஜக தலைமையிலான NDA 293 இடங்களை பெற்றதால் மூன்றாவது முறையாக ஆட்சி அமைக்கிறது. அதேநேரம் தென் இந்தியாவில் பாஜக எப்படி பெர்பார்மன்ஸ் செய்துள்ளது. இதோ ஒரு ரவுண்ட்அப்.
தமிழகத்தில் நரேந்திர மோடி மற்றும் மாநிலத் தலைவர் அண்ணாமலை நிறைய முயற்சி செய்தாலும், பா.ஜ.க.வுக்கு ஒரு இடமும் கிடைக்கவில்லை. திமுக மற்றும் காங்கிரஸ் தலைமையிலான இந்தியா கூட்டணி 39 இடங்களிலும் வெற்றி பெற்றது. வாக்கு சதவீதத்தில் அதிமுக 2வது இடத்திலும், பாஜக மற்றும் காங்கிரஸ் அடுத்தடுத்த இடங்களிலும் உள்ளன. (south india bjp performance result for lok sabha election 2024)
கர்நாடகாவில் பாஜக-ஜேடிஎஸ் கூட்டணி 17 இடங்களிலும், காங்கிரஸ் 9 இடங்களிலும் வெற்றி பெற்றன. ஜேடிஎஸ் 2 இடங்களில் வெற்றி பெற்று, மாநிலத்தில் தங்கள் இருப்பை மீண்டும் நிலைநிறுத்தியது. ஆனால் கடந்த முறை பாஜக 26 தொகுதிகளில் வென்றிருந்தது. இப்போது கர்நாடகாவில் பாஜகவுக்கு இழப்பு. சித்தராமையா அரசின் இலவச திட்டங்கள் காங்கிரசுக்கு பலன் தந்துள்ளதாம்.தெலுங்கானாவில் பாஜகவுக்கு நல்ல லாபம். மொத்தமுள்ள 17 தொகுதிகளில், 8 தொகுதிகளை பாஜக வென்றது. கடந்த முறையை விட இரட்டிப்பு இடங்களை பாஜக வென்றுள்ளது. காங்கிரசும் 8தான் வெல்ல முடிந்துள்ளது.
கேரளாவில் பாஜக குறிப்பிடத்தக்க வெற்றியைப் பெற்றுள்ளது. நடிகர் சுரேஷ் கோபி திருச்சூர் தொகுதியில் வெற்றி பெற்றார், கட்சியின் வாக்கு சதவீதம் 3% இல் இருந்து 16% ஆக உயர்ந்துள்ளது. இடது முன்னணி ஒரு இடத்தில் மட்டுமே வென்றது. அதாவது பாஜகவுக்கு ஈடாகதான் இடது கூட்டணி பெற்றது. மத்தியில் காங்கிரசுக்கு ஆதரவு அளிப்பது அவசியம் என்ற எண்ணத்தில் கேரள மக்கள் காங்கிரசுக்கு ஓட்டுப் போட்டதாக கூறப்படுகிறது. காங்கிரஸ் தலைமையிலான UDF 20 இடங்களில் 18 இடங்களைப் பெற்றது.
ராகுல் காந்தி ரேபரேலி மற்றும் வயநாடு ஆகிய இரு தொகுதிகளிலும் வெற்றி பெற்றார். புதுச்சேரியும் இந்தியா கூட்டணிக்கே போயுள்ளது. மொத்தத்தில் தென்னிந்தியாவில் பா.ஜ.க.வின் செயல்பாடு கலவையாக இருந்தது, சில மாநிலங்களில் வெற்றியும், சில மாநிலங்களில் பின்னடைவும் பெற்றுள்ளது.
Click it and Unblock the Notifications
Sign in with Google