கட்சி, பொது நிகழ்ச்சிகளில் பங்கேற்காமல் மதுரையில் ஓய்வெடுக்கும் அழகிரி

By Siva

Updated: Tuesday, October 22, 2013, 12:12 [IST]

Subscribe to Oneindia Tamil

மதுரை: அமெரிக்காவில் இருந்து திரும்பி வந்த பிறகு முன்னாள் மத்திய அமைச்சரும், திமுக தென் மண்டல அமைப்பு செயலாளருமான மு.க. அழகிரி மதுரையில் ஓய்வு எடுத்து வருகிறார்.

முன்னாள் மத்திய அமைச்சரும், திமுக தென் மண்டல அமைப்பு செயலாளருமான மு.க. அழகிரி 60 நாட்களாக அமெரிக்காவில் இருந்தார். அவர் கடந்த 16ம் தேதி சென்னை திரும்பினார். அன்று மாலையே மதுரைக்கு வந்துவிட்டார்.

மதுரைக்கு வந்த பிறகு ஒரு நாள் மட்டும் சென்னைக்கு சென்றார். தற்போது மதுரையில் இருக்கும் அவர் கட்சி மற்றும் பொது நிகழ்ச்சிகள் எதிலும் கலந்து கொள்ளாமல் ஓய்வெடுத்து வருகிறார்.

முன்னதாக அவர் அமெரிக்காவில் இருந்து வந்தவுடன் விமான நிலையத்தில் செய்தியாளர்களிடம் பேசுகையில், கட்சியில் புதிய பதவி எதுவும் கேட்கப் போவதில்லை என்று தெரிவித்திருந்தார்.