திமுக தலைமையுடன் சமரசத்துக்கு உடன்பட மு.க. அழகிரி 2 நிபந்தனைகள்!!

மதுரை: திமுக தலைமையுடன் சமரசத்துக்கு உடன்பட அக்கட்சியில் இருந்து நீக்கப்பட்ட மு.க. அழகிரி இரண்டு நிபந்தனைகளை விதித்துள்ளார்.

மதுரையில் தமது பிறந்த நாளை கொண்டாடிய மு.க. அழகிரி செய்தியாளர்களிடம் கூறியதாவது:

எனது பிறந்தநாள் சிறப்பாக இந்த ஆண்டு மிகச் சிறபாக கொண்டாடப்பட்டுள்ளது. தி.மு.கவில் எனக்கு மீண்டும் முக்கியத்துவம் தருவதாக எந்த தகவலும் வரவில்லை.

தி.மு.கவில் இருந்து நீக்கப்பட்ட மதுரை மாவட்ட திமுகவினர் 10 பேரை மீண்டும் கட்சியில் சேர்க்க வேண்டும். கலைக்கப்பட்ட மதுரை மாநகர் மாவட்ட தி.மு.க அமைப்பை மீண்டும் உருவாக்க வேண்டும்.

இந்த 2 விஷயத்தையும் திமுக மேலிடம் ஏற்க வேண்டும் என்பதுதான் என் கோரிக்கை. அப்படி செய்தால் சமரசத்துக்கு உடன்படுகிறேன்.

இவ்வாறு மு.க. அழகிரி தெரிவித்தார்.

English summary

Former Union Minister MK Azhagiri said that DMK should revoke all actions against his supporters for the compromise.