என்ன ஆச்சரியம்!!!: பி.டி.ஆர். வீட்டுக்கு சென்ற மு.க. அழகிரி

மதுரை: திமுகவில் இருந்து நீக்கப்பட்ட மு.க. அழகிரி மறைந்த பி.டி.ஆர். பழனிவேல்ராஜனின் வீட்டுக்கு இன்று சென்றார்.

திமுகவில் இருந்து நீக்கப்பட்ட மு.க. அழகிரி மதுரையில் தான் உள்ளார். இந்நிலையில் அவர் இன்று காலை 10 மணிக்கு மதுரை சொக்கிபுரத்தில் இருக்கும் மறைந்த திமுக முன்னாள் அமைச்சரான பி.டி.ஆர். பழனிவேல்ராஜனின் வீட்டுக்கு சென்றார்.

இன்று பழனிவேல்ராஜனின் 82வது பிறந்தநாள் என்பதால் அவரது வீட்டுக்கு சென்றார் அழகிரி.
அங்கு அவர் பழனிவேல்ராஜனின் மனைவி ருக்மணி, மகன் தியாகராஜன் ஆகியோரை சந்தித்து பேசினார். அதன் பிறகு அங்கிருந்து கிளம்பிச் சென்றார்.

முன்னாள் சபாநாயகரும், அமைச்சருமான பழனிவேல்ராஜன் உயிருடன் இருந்தபோது அவருக்கும், அழகிரிக்கும் ஏழாம் பொருத்தமாக இருந்தது. அவருடன் கடுமையாக மோதியவர் அழகிரி. ஆனால் தற்போது கட்சியில் இருந்து நீக்கப்பட்ட பிறகு தனக்கு கொஞ்சமும் பிடிக்காத பழனிவேல்ராஜன் வீட்டிற்கு சென்றுள்ளார் அழகிரி என்பது குறிப்பிடத்தக்கது.

English summary

MK Azhagiri has visited former DMK minister PTR Palanivel Rajan's house in Madurai on the occasion of his 82nd birth anniversary.