பாஜக அரசின் தூண்டுதலால் தமிழ்நாடு இல்லத்தின் பெயரை மாற்றக் கூடாது... தமிழக அரசுக்கு ஸ்டாலின் அட்வைஸ்

பாஜக அரசின் தூண்டுதலால் தமிழ்நாடு இல்லத்தின் பெயரை மாற்றக் கூடாது என்று தமிழக அரசுக்கு திமுக செயல் தலைவர் மு.க.ஸ்டாலின் தெரிவித்துள்ளார்.

சென்னை: பாஜக அரசின் தூண்டுதலால் தமிழ்நாடு இல்லம் என்பதை பெயர் மாற்றம் செய்ய தமிழக அரசு துணை போகக் கூடாது என்று திமுக செயல்தலைவர் மு.க.ஸ்டாலின் கேட்டுக் கொண்டுள்ளார்.

டெல்லியில் உள்ள தமிழ்நாடு இல்லம் என்பது அறிஞர் அண்ணாவால் பெயர் வைக்கப்பட்டது. டெல்லியில் உள்ள தமிழ்நாடு இல்லங்களின் பெயர் முதலில் வெறும் தமிழ்நாடு இல்லம் என்று இருந்தது. ஆனால் இல்ல அதிகாரிகள் கேட்டுக்கொண்டதற்கு இணங்க இதன் பெயர் மாற்றம் செய்ய தமிழக அரசு முடிவு செய்தது.

அதன்படி தமிழ்நாடு இல்லங்களுக்கு வைகை தமிழ் இல்லம், பொதிகை தமிழ் இல்லம் என பெயர் மாற்றப்பட்டது. இதற்கான அரசாணையையும் தமிழக அரசு வெளியிடப்பட்டது.

இதற்கு பல்வேறு அரசியல் கட்சியினர் கண்டனம் தெரிவித்து வருகின்றனர். இந்நிலையில் இதை கண்டித்த திமுக செயல்தலைவர் மு.க.ஸ்டாலின் கூறுகையில் பாஜக அரசின் தூண்டுதலால் தமிழ்நாடு இல்லம் என்பதை மாற்றம் செய்ய அரசு துணை போகக் கூடாது.

டெல்லியில் உள்ளவர்களை மகிழ்விக்க தமிழ்நாடு இல்லம் பெயரை மாற்ற முயற்சிப்பது வேதனை அளிக்கிறது. திராவிட இயக்கத்தில் சாதனையாக இருக்கும் தமிழ்நாடு இல்லத்தின் பெயரை மாற்றவோ, அழிக்கவோ கூடாது என்றார் ஸ்டாலின்.

English summary

DMK Working President MK Stalin condemns TN Government for name changing Tamilnadu house which is in Delhi. It was named by Annadurai. It is a price for Dravidian Parties, no one should remove or change the name.