தமிழ் இசையை உலகெங்கும் பரவச் செய்தவர் இசைஞானி இளையராஜா! - முக ஸ்டாலின்

சென்னை: தமிழ் இசையை உலகம் எங்கும் பரவச் செய்தவர் இசைஞானி இளையராஜா என்று கூறியுள்ளார் திமுக செயல் தலைவர் முக ஸ்டாலின்.

இன்று தனது 73வது பிறந்த நாளைக் கொண்டாடுகிறார் இளையராஜா. மேஸ்ட்ரோ மியூசிக் சார்பாக அவர் பிறந்த நாளை காலையிலிருந்து கொண்டாடி வருகின்றனர் ரசிகர்கள். இன்று இரவு 9 மணி வரை இந்த கொண்டாட்டம் நடக்கிறது.

பிறந்த நாள் காணும் இளையராஜாவுக்கு பல்வேறு கலைஞர்கள், இயக்குநர்கள், தயாரிப்பாளர்கள், அரசியல் தலைவர்கள் வாழ்த்துக் கூறி வருகின்றனர்.

திமுக செயல்தலைவர் முக ஸ்டாலின் இளையராஜாவுக்கு தனது வாழ்த்துகளைத் தெரிவித்தார்.

இளையராஜா குறித்து அவர் கூறுகையில், "தமிழ் இசையை உலகம் முழுவதும் பரவச் செய்த பெரும் மேதை இளையராஜா," என்றார்.

இளையராஜாவின் ஒவ்வொரு பிறந்த நாளன்றும் மறக்காமல் வாழ்த்துச் செய்தி அனுப்புவார் திமுக தலைவர் கருணாநிதி. இப்போது அவர் உடல் நலம் குன்றியிருக்கும் நிலையில் செயல் முக ஸ்டாலின் வாழ்த்தியுள்ளார்.

English summary

DMK Acting President MK Stalin wished Maestro Ilaiyaraaja on his 73rd birthday.