டிடிவி தினகரனுடன் கருணாஸ் திடீர் சந்திப்பு!
டிடிவி தினகரனுடன் அதிமுக ஆதரவு எம்எல்ஏ கருணாஸ் திடீர் சந்திப்பில் ஈடுபட்டுள்ளார்.
சென்னை: டிடிவி தினகரனுடன் அதிமுக ஆதரவு எம்எல்ஏவான கருணாஸ் திடீர் சந்திப்பில் ஈடுபட்டுள்ளார். குடியரசுத் தலைவர் தேர்தலில் எடப்பாடி அரசு பாஜகவுக்கு ஆதரவு தெரிவித்துள்ள நிலையில் கருணாஸ் டிடிவி தினகரனை சந்தித்து பேசி வருகிறார்.
அதிமுக அம்மா அணியும் இரண்டாக உடைந்துள்ளது. ஒரு தரப்பினர் எடப்பாடி பழனிச்சாமிக்கு ஆதரவாக உள்ளனர். 30க்கும் மேற்பட்ட எம்எல்ஏக்கள் டிடிவி தினகரனுக்கு ஆதரவாக செயல்பட்டு வருகின்றனர்.
எடப்பாடி பழனிச்சாமி தலைமையிலான அணியினர் டிடிவி தினகரனை ஓரம்கட்டிவிட்டதாக தெரிவித்துள்ளனர். அதிமுக சார்பில் நடைபெற்ற இப்தார் நோன்பு திறப்பு நிகழ்ச்சிக்கு கூட டிடிவி தினகரனுக்கு அழைப்பு விடுக்கப்படவில்லை.
இதனால் தினகரன் ஆதரவு எம்எல்ஏக்களும் இப்தார் நோன்பு திறப்பு நிகழ்ச்சியை புறக்கணித்தனர். மேலும் முதல்வர் எடப்பாடி பழனிச்சாமி குடியரசுத் தலைவர் தேர்தலில் அதிமுக பாஜக வேட்பாளர் ராம்நாத் கோவிந்தை ஆதரிப்பதாக அறிவித்தார்.
இந்நிலையில் அதிமுக ஆதரவு எம்எல்ஏவான கருணாஸ் டிடிவி தினகரனை சந்தித்துள்ளார். சென்னை அடையாறில் உள்ள டிடிவி தினகரனின் இல்லத்தில் கருணாஸ் அவரை சந்தித்து வருகிறார். டிடிவி தினகரனுடனான கருணாஸின் இந்த திடீர் சந்திப்பு அரசியல் களத்தில் பரபரப்பை ஏற்படுத்தியுள்ளது.
Click it and Unblock the Notifications
Sign in with Google