நாகை அருகே எம்எல்ஏ தமிமுன் அன்சாரி கார் மோதி பள்ளி மாணவர் காயம்

நாகை அருகே எம்எல்ஏ தமிமுன் அன்சாரியின் கார் பள்ளி மாணவர் மீது மோதியதில் மாணவர் படுகாயமடைந்தார்.

நாகை: எம்எல்ஏ தமிமுன் அன்சாரியின் கார் பள்ளி மாணவர் மீது மோதியதில் மாணவர் படுகாயமடைந்தார்.

நாகப்பட்டினம் தொகுதியின் எம்எல்ஏவாக இருப்பவர் தமிமுன் அன்சாரி. மறைந்த முதல்வர் ஜெயலலிதாவால் எம்எல்ஏவாக்கப்பட்டார்.

எடப்பாடி பழனிச்சாமி முதல்வரான பிறகு தனது ஆதரவை மாற்றிக்கொண்டுள்ளார். இந்நிலையில் இன்று நாகை மாவட்டம் வேட்டைக்காரனிருப்பு அருகே எம்எல்ஏ தமிமுன் அன்சாரி தனது காரில் வேகமாக சென்று கொண்டிருந்தார்.

அப்போது சாலையை கடக்க முயன்ற பள்ளி மாணவர் மீது தமிமுன் அன்சாரியின் கார் மோதியது. இதில் மாணவர் சந்தோஷ் காயமடைந்தார்.

இதையடுத்து மாணவர் சந்தோஷை தனது காரில் அழைத்துச்சென்று மருத்துவமனையில் சேர்த்தார் தமிமுன் அன்சாரி. இந்த சம்பவத்தால் அப்பகுதியில் பரபரப்பு ஏற்பட்டது.

English summary

MLA Thamimun Ansari car hits school student in Nagai. Thamimun ansari admitted student in hospital.